Agrobiocenoz diyqanshiliqta ju'zege keletug'in biocenoz

9-LEKCIYA. SUWG’ARILATUG’IN TOPIRAQLARDIN’ EKOLOGIYALIQ-MELIORATIV JAG’DAYI.

    Reje:

1. O’simlik o’mirinde suwdın’ a’hmiyeti ?

2. Suw rejimi ha’m onı basqarıw

A’debiyatlar: 1, 2, 3, 10

 

Topıraqtın’ suw rejimi, onı basqarıw ha’m jaqsılaw ilajları.

Suw o’simliktin’ o’mirlik faktorı esaplanadı. Suw tuxımnın’ o’niwi, o’siwi ha’m rawajlanıwı ushın ju’da’ za’ru’r. O’simlik topıraqtag’ı azıq zatlardı suwda erigen jag’dayda paydalanadı ha’m onı japıraqları arqalı puwlatıp, anıq tirishilik temperaturasın ta’miyinleydi. Suw eginlerden o’nim alıw ha’m topıraq o’nimdarlıg’ının’ za’ru’r jag’dayı esaplanadı. Topıraqtag’ı mikroorganizmler ha’m tiri ja’nlikler suwsız o’mir keshire almaydı.

O’simliktin’ tiykarg’ı fiziologiyalıq funkciyasında (fotosintez) a’lbette suw qatnasadı. Suw jeterli bolg’anda g’ana o’simliktin’ kletkaları tolıq boladı ha’m ondag’ı processler normal o’tedi. Tuxımnın’ bo’rtiwinen baslap, o’nimnin’ pisiwine shekem o’simlikke suw kerek. Ma’selen, tarı tuxımının’ o’nip shıg’ıwı ushın onın’ salmag’ının’ 25,6%, ma’kke ha’m ju’weri 44,0%, jon’ıshqa 56,3%, shigit 60%, qant la’blebi 120,0% suw talap etedi.

Ol o’simliktin’ rawajlanıwı ha’m zu’ra’a’t toplawın belgilewshi tiykarg’ı faktor esaplanadı. O’simliktin’ suwg’a bolg’an talabı onın’ rawajlanıw fazalarına qaray ha’r qıylı boladı.