Ҳаёт фаолияти хавфсизлигини таъминлаш асослари 1-Маъруза

Соғлом турмуш тарзини кечиришга сезиларли таъсир этадиган, соғликни зарур даража таъминлайдиган қуйидаги омиллар ёрдам беради:
1) Меҳнатсеварлик билан бирга яхшиланишга ишонч;
2) Ҳажвия ва ҳазилларга мойиллик;
3) Ҳар бир ҳолатга тез мослаша олиш;
4) Яхшиликни узоқ вақт эсдан чиқармаслик ва ёмон нарсаларни тез унутиш қобилияти;
5) Енгил (ёқимли) чарчашга тоза ҳавода доимий жисмоний меҳнат билан шуғулланиш;
6) Хурсандчилик-соғликнинг энг яхши дўсти, ҳар сонияда, ҳар соатда, кун давомида яхши кайфиятда бўлишни ўрганиш лозим;
7) Ҳаёт ва унинг хурсандчиликларини мазмуни ҳақидаги инсоннинг ақлий тафаккури, мақсад сари интилиш билан ишонч бирлиги ҳар бир кишини бош таянчи эканлигини англаш.
Соғликни емирилишига кўмаклашувчи зарарли одат омиллари таъсиридан қутилиш. Бу зарарли одатларга чекиш, спиртли ичимликларни истеъмол қилиш, норкотик ва токсик моддалар қабул қилишлар киради. Соғлом турмуш тарзининг муҳим элементларидан бири шахсий гигиена ҳисобланади. «Шахсий гигиена» нинг ўзи кенг тушунча бўлиб, у соғликни асрашга қаратилган кўп сонли гигиеник қоидаларни, нормаларни талаб этади ва улар меҳнатсеварлик, узоқ йиллик фаоллик, юқумли ва юлқумсиз касалликларни олдини олиш бўйича ишлар ҳисобланади. Шахсий гигиена ўз ичига қуйидагиларни олади:
1) Терини парваришлаш;
2) Тишларни парваришлаш, соғликни парваришлаш;
3) Уст кийим, бош ва оёқ кийимлари гигиенаси.
Шахсий гигиена ўз навбатида ижтимоий, қолаверса бутун жамият гигиенаси учун катта аҳамиятга эга. Оммавий ахборот воситаларида сўнгги йилларда шахсий гигиенага катта эътибор берилмоқда. Бозор иқтисодиёти ислоҳотлари мамлакатимизда соғлом турмуш тарзига риоя қилиш алоҳида аҳамият касб этади, чунки кўпгина касалликлардан даволаниш жуда қиммат туради. Соғлом турмуш тарзини олиб бориш нафақат жисмоний соғликни асрашга эътибор қаратишни балки, физик соғликка таъсир этадиган руҳий-ҳиссий соғлик ҳақида ҳам доимий қайғуришни талаб этади. Рўҳий касалликларни (айниқса сурункали руҳий касалликларни) ҳар хил жисмоний касалликларга олиб келиши ҳаммага маълум.