Ҳаёт фаолияти хавфсизлиги

Кемадан туширишдаги ҳаракат.
Кемани тўхтатиш тўғриси- даги 
қарорни фақат капитан қабул қилишини ѐдда тутинг. Кемадан тушиш 
вақтида экипаж аъзоларининг кўрсатмаларини бажаринг ва қуйидаги 
қоидаларга амал қилинг: 
-
биринчи навбатда қутқарув кемаларида аѐллар, болалар, 
жароҳатланганлар ва қарияларга жой берилади; 

---

92
-
қутқарув кемачаси ѐки солга тушишдан олдин эгнингизга кўпроқ 
иссиқ кийим, устидан қутқарув нимчасини кийиб олинг. Иложи бўлса, 
кемачага кўрпа, қўшимча кийим, авария пайтида фойдаланиладиган 
радиоприѐмник, ичимлик суви ва озиқ- овқат олинг; 
-
агар кема бортидан сувга сакрашга мажбур бўлсангиз, унда 5 
метрдан ортиқ бўлмаган баландликдан оғиз ва бурунни бир қўлингиз 
билан беркитиб, иккинчи қўлингиз билан қутқарув нимчаси барини 
ушлаган ҳолда сакранг; 
-
сувдаги ҳар бир ҳаракат иссиқлик йўқолишига сабаб бўлади, шунинг 
учун фақат қутқарув воситаси томон сузинг; 
-
қутқарув воситасига чиққандан сўнг чўкаѐтган кемадан камида 100 
метр масофага сузиш зарур. 
Қутқарув воситаларига эга бо ълмаган ҳолдаги ҳаракат. 
Сувда 
бўлсангиз, ҳуштак чалиб ѐки қўлларингизни кўтарган ҳолда сигнал беринг. 
Иссиқликни сақлаш учун иложи борича камроқ ҳаракат қилинг. Сувда 
ҳавога нисбатан иссиқликни йўқотиш бир неча баробарга тезлашади. 
Шунинг учун ҳаттоки илиқ сувдаги ҳаракат ҳам фақат сув юзасида 
қолишга қаратилган бўлиши керак. Қутқарув нимчасида иссиқликни 
сақлаш учун ҳажмингизни кичрайтиринг, қўлларингиз билан кўкрак 
қафасининг ѐн томонидан ушланг ва қовуқларингизга сув камроқ тегиши 
учун бўксангизни юқорироқ кўтаринг. Бу усул совуқ сувда омон қолиш 
муддатини 50 фоизга қадар кўпайтиради. Агар сизда қутқарув нимчаси 
бўлмаса, бирон-бир сузувчи нарсани изланг ва қутқарувчилар келгунига 
қадар ўша нарсага осилиб олинг. Чалқанчасига ѐтиб дам олинг.