Аerоkоsmoslıq usılıq – túrli ilimiy jumıslаrdа hámde kartalar dúziwde kоsmоstаn alınǵаn súwretlerden paydаlаnılаdı. Аfеliy

Taw qırı yaki shoqqısı (bası) – eki qarama-qarsı janbawırlardıń kesisken ornı.

Taw - alap samalları – hawa-rayı ózgermegende, kúndiz alaptan tawǵa, túnde bolsa tawdan alapqa esedi.

Tawlı úlke – Jer betiniń átiraptaǵı tegisliklerden bálent kóterilip turǵan, bir neshe mıń km.ge sozılıp ketken bólegi.

Tawlıq – taw dizbekleri hám jazıq tawlıqlardı óz ishine alǵan júdá úlken tawlı aymaqlar.

Tábiyiy geografiya – geografiyalıq qabıqtıń quramı, dúzilisi, rawajlanıwı hám aymaqlıq tabaqalanıwın úyrenedi.

Tegislikler – absolyut bálentligi kem ózgeretuǵın jer betiniń jazıq bólekleri.

Teńizler – okeanlardıń materik ishkerisine jarıp kirgen bólegi.

Tınısh okean – Amerika, Aziya, Avstraliya hámde Antarktida arasında jaylasqan dúnyadaǵı eń úlken okean. Maydanı – 178,7 mln. km². Ol Dúnya okeanı maydanınıń yarımın, Jer júzniń 1/3 bólegin iyelegen.

Tolqınlar – suw júzesiniń ortasha qáddinen tómenge yamasa joqarıǵa qaray háreketlenip turıwına aytıladı.