Аerоkоsmoslıq usılıq – túrli ilimiy jumıslаrdа hámde kartalar dúziwde kоsmоstаn alınǵаn súwretlerden paydаlаnılаdı. Аfеliy

Radiaciya balansı – Jer júzesi bir dáwirdiń ózinde Quyashtan kelip atırǵan ıssılıqtı qabıl qıladı hám onı túrli jollar menen jáne sarıplaydı. Mine usı processke radiaciya balansı delinedi.

Regional boljawlar – belgili bir aymaqta ekologiyalıq-geografiyalıq sharayattıń ózgeriwin aldınnan ilimiy tiykarlanǵan halda boljawdan ibarat.

Regional tábiyiy geografiya – Jer júzesinde ayırım aymaqlardıń tábiyiy shárayatınıń payda bolıwı hám ózine tán shárayatların úyrenedi.

Rekreaciya landshaftları – dem alıw zonaları hám turizm tásirinde payda boladı.

Relief – (francuzsha relief – “dónlik”) Jer júzesindegi tegis emes orınlarǵa, yaǵniy qattı jer qabıǵındaǵı oylı - bálentlikler jıyındısına aytıladı.

Rias jaǵalar - (ispansha rio - “dárya”) jaǵa sızıǵınıń ulıwma baǵdarına perpendikulyar dárya alapları menen tilkimlengen yaki tawlı jaǵanıń teńiz basıwı nátiyjesinde payda bolǵan jaǵalar.