Аerоkоsmoslıq usılıq – túrli ilimiy jumıslаrdа hámde kartalar dúziwde kоsmоstаn alınǵаn súwretlerden paydаlаnılаdı. Аfеliy

Potencial puwlanıw – ıǵallıq zapası menen sheklenbegen halda múmkin bolǵan eń kóp puwlanıw.

Promille – qandayda bir zattıń mıńnan bir bólegi, yaki 1 kg suwda neshe gramm duz barlıǵın bildiredi.

Proterozoy – dáslepki yaki tuńǵısh ómir.

Protuberanclar – Quyash atmosferasındaǵı gazlerdiń tártipsiz háreketiniń óz aldına forması.

Puwlanıw – suwdıń suyıq jaǵdaydan gaz jaǵdayına yaki puwǵa aylanıwı.

Qalqanlar – kristall fundamenttiń jer betine shıǵıp qalǵan jerleri.

Qar sızıǵı – jıl dawamında jawǵan qar erip úlgermeytuǵın shegara, yaǵniy qar jıynalatuǵın hám muzlıq payda bolatuǵın bálentliktiń tómen shegarası.

Qarsı nurlanıw – atmosferadan Jerdi ıssılıq taratıwǵa qarsı baǵdarlanǵan ıssılıq.

Qoy mańlayları – muz tegislegen kristallı jınıslardan quralǵan tómenirek jarlar hám tóbelerdiń qıya hám jazıqlıǵı.

Qum tilleri –jatqızıqlı qumlardan payda bolǵan ensiz qumlaq polosalar.

Quyash – Jerge eń jaqın juldız bolıp, jer júzesindegi ıssılıq hám jaqtılıqtıń tiykarǵı deregi esaplanadı.