Адренергик иннервацияга таъсир этувчи воситалар (давоми)

Ножўя таъсирлари: умумий холсизлик, кўнгил ай-ниши, қайт қилиш, диарея, брадикардия, бош айланиши, бронхоспазм, аллергик реакциялар (тери қичиши), пари-шонхотирлик ва фикр тезлигининг сусайиши (машина ҳайдаш мумкин эмас).
Қарши кўрсатмалар: Синус брадикардияси, атрио-вентрикуляр блокада, гипотензиялар, кучли ифодаланган юрак етишмовчилиги, бронхиал астма, қандли диабет, ҳомиладорлик, периферик қон айланишининг бузилиши, спастик колит ва б.
ОКСПРЕНОЛОЛ (тразикор). Таъсири жиҳатидан анапиринга яқин, лекин юрак қисқаришининг тезлиги ва кучига таъсири сустроқ. Симпатолитик фаолликка эга. Бронхоспазмни камроқ юзага кел-тиради. Беморлар уни анаприлинга қараганда яхши қабул қила-дилар. Қўлланилиши анаприлинга ўхшаш, ножўя таъсирлари ҳам, аммо улар камроқ юзага чиқади.
МЕТОПРОЛОЛ (карвитол, белок, беталок, эгилок) – β-1-ре-цепторларни танлаб блоклайди (кардиоселектив таъсири бор). МИЙ дан яхши сўрилади. Максимал таъсири 1,5 соатдан кейин юзага чиқади ва 5-6 соат давом этади. Жигардан ўтиш жараёнида кўп қисми парчаланади, метаболитлари пешоб таркибида чақирилади.
Қўлланилиши: ҳафақонликда, стенокардияда, аритмияларда (суп-равентрикуляр тахикардиялар, бўлмачалар фибриляцияси, қорин-чалар экстрасистолияси), гипертиреоидизмда, миокард инфаркти-нинг олдини олиш учун.
Ножўя таъсирлари: бош оғриғи, чарчаш, уйқунинг бузилиши, бронхлар тонусининг ошиши, айниқса бронхиал астмада.
Талинолол (корданум), атенолол (тенормин), бисопролол (конкор) препаратлари ҳам метопрололга ўхшаш таъсирга эга.
α-, β-адреноблокаторлар
ЛАБЕТАЛОЛ (трандат). Бинар тасир кўрсатади. Яъни, бир вақтнинг ўзида ҳам β-1-, 2- ҳам α-1-адренорецепторларни блок-лайди, лекин, β-адренорецепторлар α-га нисбатан лабеталол таъсирига сезувчанроқ. Таъсир кучи бўйича анаприлин ва фентоламиндан кучсизроқ. Препарат юрак қисқаришларининг сони ва кучига сезиларли таъсир кўрсатмайди. Унинг таъсирида томирлар умумий периферик қаршилиги камаяди. Қон боси-мини тушириш таъсири тез юзага чиқади ва 8-10 соат давом этади. МИЙда ёмон сўрилади, кўп қисми жигарда парчаланади, фаол бўлмаган метаболитлари пешоб таркибида ажралади. Вена ичига киритиш беморнинг горизонтал ҳолатида амалга ошири-лади, чунки қон босими тез тушиб кетиши мумкин.
Қўлланилиши: ҳафақонликда (гипотензив восита сифатида).
Ножўя таъсири: бош айланиши, бош оғриғи, кўнгил айниши, қусиш, қабзият ёки ич кетиши, қувватсизлик, терининг қи-чишиши.
Қарши кўрсатмалар: кучли ривожланганда юрак-қон томир етишмовчилиги, атриовентрикуляр блокада.