Adolat Shamchirog’i

Ҳимоячи И.О.Шамсиддинов

O’zbekiston Respublikasi Advokatlar Palatasi Farg`ona viloyat hududiy boshqarmasi Qo’qon shahar “Adolat Shamchirog’i” advokatlik firmasi		Палата Адвокатов Республики Узбекистан Ферганское областное территориальное управление Адвокатская фирма «Adolat Shamchirog’i» г.Коканд
Farg’ona viloyati, Qo’qon shahar, A.T.Xo’qandiy, 8/18 Tel: [phone]		Г.Каканд, массив А.Т.Хукандий 8/18 Tel: [phone]

« » апрель 2019 йил № 05/07-2-сон
Жиноят ишлари бўйича
Учкўприк тумани суди
раиси


Н.Мирзажоновга
И Л Т И М О С Н О М А
(Ўзбекистон Республикаси ЖПКнинг 46, 53-моддалари талабларига кўра)


Иш юритувингиздаги № 302213/2018-12-сонли жиноят иши бўйича дастлабки тергов органи томонидан “MILORD STAR” МЧЖ раҳбари А.Набижонов ва ҳимоям остида бўлган Абдужалилов Абдулбосидхон ва Абдужалилов Авазларга Ўзбекистон Республикаси ЖКнинг 184-моддаси 3-қисми ва 189-моддаси 1-қисми билан айб эълон қилишда иш ҳолатларини атрофлича ўрганмаганлиги, тегишли хужжатлар синчковлик билан ўрганилмаганлиги ва иш хужжатларига қўшилмаганлиги кўринмоқда.
Хусусан, суд тергов давомида гувоҳ тариқасида сўроқ қилинган, Фарғона вилояти ДСБ солиқ назорат бўлими катта инспектори Сотитибоев Музаффар ва вилоят ИЖҚКБ ходими Қўлдошев Баҳодирлар мазкур жиноят иши юзасидан дастлабки терговдаги хужжатли тафтиш тайинлаш қарори асосида ўтказилган текшириш якуни бўйича тузилган 03.01.2019 йилдаги далолатномасида ва терговдаги ва суддаги кўрсатмаларида тасдиқлашиб, “MILORD STAR” МЧЖ томонидан Солиқ кодексига асосан 3-чорак якуни билан 2018 йил 25 октябрдан солиқ ҳисоботларини тақдим этиши белгиланган бўлиб, жамият 2018 йил 11 ноябрь куни ҳисобот топшириш муддатини 16 кунга кечиктириб, 2018 йил 3-чорак учун ўсиб борувчи тартибда 12.870.633,5 минг сўм товар айланма амалга оширганлигини кўрсатиб, унга нисбатан 2 фоизли ставкада 257.412,7 минг сўм ягона солиқ тўловига электрон кўринишда солиқ хисоботи тақдим этганлигини, бу ҳолатда МЧЖ мансабдор шахси солиқ кодексининг 115-моддасига асосан маъмурий жавобгарликка тортилиши тавсия қилинганлигини, МЧЖ томонидан хисоботлар кечиктириб топширилган бўлсада улар томонидан хужжатли текширишда аниқланган суммадан топширилган ҳисоботдаги суммалар тахминан 30.000.000 сўмга фарқ қилаётганлигини кўрсатган.
Мазкур ҳолатни синчковлик билан аниқлаш судланувчиларни ЖКнинг 184-моддаси билан айблаш ёки айблаб бўлмаслик учун жиддий аҳамиятга эга эканлиги сабабли Учкўприк тумани ДСИдан “MILORD STAR” МЧЖ томонидан 2018 йил 11 ноябрь куни топширган солиқ ҳисоботи билан 03.01.2019 йилдаги хужжатли текширишда аниқлаган солиқ суммаси ўртасидаги фарқни аниқлаш учун вилоят ва туман ДСИларга суд ажрими орқали топшириқ беришингизни ва олинган маълумотнома асосида судланувчилар айбланган моддаларга қайтадан ҳуқуқий бахо беришингизни илтимос қиламан.