Адҳам ваисов

Давоси.
Маҳаллий даво:
– дезинфекцияловчи совунлар, гель, кремлар (3–10% ли) бензоилпероксид, Acne 10 hotion;
– Dalacin T (Clindamycin phosphati 1% эритма, гель);
– Betin A (0,025-0,05)ли гель, крем (ретин кислотаси сақловчи);
– крем Fucidin (2% фуцидин кислота);

• 
  Эритромицин, стрептомицин мазлари (2-5%)
  

Умумий даво:

• 
  Ўртача оғир ёки оғир ҳолатларда антибиотиклар (тетрациклин, окситетрациклин ёки эритромицин 0,5 г дан 2 марта кунига, доксациллин 0,1 г дан кунига 2 маҳал)
  
• 
  Аёллар перорал контрацептивлар, масалан Diane-35.
  
• 
  Синтетик ретиноидлар, хусусан Roaccutane 0,1-0,5 мг/кг ҳисобида кунига, 4ой ва ундан ортиқроқ қабул қилиш.
  
• 
  Физиотерапия: гелиотерапия, УБ нурлари.
  

ПИОДЕРМИТЛАР (Piodermia)


Пиодермитлар – терининг йирингли яллиғланиши (юнонча pyon – йиринг, derma – тери деган сўзлардан иборат) тери касалликлари орасида кўп учрайди. Касаллик терининг бутунлиги бузилиб, терига йиринг тарқатувчи микроблар – стафилококклар, стрептококклар, гоҳо кўк йиринг таёқчаси кириши туфайли вужудга келади. Ноқулай меҳнат ва турмуш шароитлари, санитария-гигиена меъёрининг бузилиши йирингли касалликларнинг тарқалишига сабаб бўлади.
Стафилококкли пиодермиТлар


Стафилококкли пиодермитлар – фолликуляр пиодермитлар деб аталадилар, сабаби стафилококклар терида албатта соч фолликулаларини жароҳатлайдилар ва бир-биридан соч фолликуласида яллиғланиш чуқурлиги ва яллиғланиш даражаси билан ажралиб туради. Стафилококкли пиодермитлар юза ва чуқур турларга ажратилади. Юза стафилококкли пиодермитлар терининг, асосан, эпидермис қаватини жароҳатлаб уларга: остиофолликулит, фолликулит ва сикоз киради. Дермани жароҳатлайдиган чуқур стафилококкли пиодермит­лар­га: фолликулит, фурункул, карбункул, гидраденит киради.