Адҳам ваисов

Иккиламчи сифилис, папулёз.

Папулёз сифилидлар – ўткир яллиғланмаган, думалоқ-овал шакл­да, зич эластик консистенцияли, мис қизғиш ёки қўнғир-пушти рангли, чегараси аниқ ва қўшилмайди, субъектив безовта этмайди. Тугунчалар сўрилиши даврида марказий қисмларида бироз кепакланиш кузатилиб, кейинчалик эса усти атрофида ўзига хос кепакланувчи ҳалқа ҳосил бўлади (Биетт екачаси). Тугунчалар кўпинча изсиз йўқоладилар, айрим ҳолларда эса пигментация пайдо бўлиши мумкин. Тугунчаларнинг катталиги (ўлчами), юзаси ва шаклига қараб бир неча клиник турлари тафовут этилади: милиар, лихеноид, лентикуляр, нуммуляр, намланувчи, эрозив, вегетацияланувчи, сербар тугунчалар (кенг кондиломалар)

Даволаш махсус тери-таносил касалликлари диспансерларида.


ҚИЗИЛ ЯССИ ТЕМИРАТКИ
(LICHEN RUBER PLANUS)

Қизил ясси темиратки сурункали касаллик бўлиб, тери ва кўринадиган шиллиқ пардаларда мономорф папулез тошмалар тошиб, кучли қичишиш билан характерланади. Айрим ҳолларда тугунчалар чегараланган ҳолда оғиз шиллиқ пардаси, лаб қизил ҳошиясида ва жинсий аъзоларда жойлашиши мумкин.

Касаллик турли ёшда учраши мумкин, шиллиқ пардалар жароҳатланиши кўпроқ 40–60 ёшлардаги аёлларда учрайди.
Клиникаси. Терида полигонал шаклли, кўкимтир қишғиш рангли, ўлчамлари 0.2-1.0 см диаметрли, ясси қаттиқ қичишадиган тугунчалар тошади. Тугунчалар юзаси мумсимон ялтироқ бўлиб, марказида киндиксимон ботиқ кўриниб туради. Уст қисмида бир-бирига перпендикуляр жойлашган чизиқчалар бўлади.
Оғиз шиллиқ пардасидаги турлари: типик, экссудатив гиперемик, эрозив ярали, буллёз, гиперкератотик ва атипик.
Давоси.
Ошқозон- ичак тизими текширилади, қонда қанд миқдори аниқланади, қон босими аниқланади, беморнинг асаб-психик статуси текширилади.Оғиз шиллиқ пардасида жойлашган қизил ясси темиратки кузатилса, ҳамма беморлар оғиз бўшлиғи санация қилинади: ҳар хил металл қпламалари олиб ташланади ва рационал протезлаш аҳамияти катта, у медикаментоз даво билан бирга олиб борилади. Бу беморларга иссиқ, дағал овқат қабул этиш ман этилади, экссудатив- гиперемик ва эрозив- ярали турида ўткир ва ширин овқатлар ман этилади.
Касалликнинг барча турида седатив терапия, типик экссудатив гиперемия турида ретинол- ацетат, “А” витамини концентрати (10 томчидан 3 маҳал кунига, 2 ой давомида, 2 ой танаффус билан), узоқ вақт “В” гуруҳи витаминлари қабул этиш, айниқса никотин кислотаси тайин этилади.
Эрозив- ярали ва буллёз турида преднизолон 20-25 мг кунига (триамцинолон 16-20 мг, дексаметазон 3-3,5 мг), хингамин 0,25 г дан 1-2 марта кунига, 4-6 ҳафта давомида, никотин кислота (0,05 г кунига 3 маҳал овқатдан сўнг) ёки теоникол 1 таб х 3 маҳал ёки м/о 1-1,5 ой давомида). Преднизолон миқдори 7-10 кунда 5 мг дан камайтирилиб берилади.
Чегараланган эрозив- ярали турида ўчоққа гидрокортизон суспензияси ёки преднизолон тайинланади. Инъекция 3 кунда 1 марта 1-1,5 мл. Ҳар бир эрозия босқичида 8-12 та инъекция.Бу босқич ҳар 3-4 ойда қайтарилиб туради.
Узоқ битмовчи якка эрозиялар бўлса, жарроҳлик усулида кесиб ташлаш ёки криодеструкция яхши натижа беради.