Adabiyoti universiteti

GLOSSARIY

Adabiyot - Fan va amaliyotning biror sohasidagi yutuqlarni umumlashtiruvchi asarlar majmui.

Adabiyotshunoslik -  badiiy adabiyotni, uning mazmun-mohiyati, o‘ziga xos xususiyatlari, paydo bo‘lish va rivojlanish bosqichlari, ijtimoiy funksiyasi, ijodiy jarayon qonuniyatlarini o‘rganadigan fan. 

Ilmiy - badiiy adabiyot- adabiyotning fan, ilmiy izlanishlar haqida, fandagi “g‘oyalar dramasi” va uning ijodkorlar taqdiri haqida hikoya qiluvchi alohida turi; unda badiiy, hujjatli-publitsistik va ilmiy-ommabop adabiyotlarga xos xususiyatlar o‘z ifodasini topgan bo‘ladi.

Badiiy asar – nasriy yoki she‘riy usulda yaratilgan ijod namunasi.

Badiiyat - badiiy-estetik xususiyatga, badiiy mazmunga egalik; sanʼatga aloqadorlik, asarning estetik taʼsir kuchi.

Badiiy obraz— voqelikni faqat sanʼatga xos usulda oʻzlashtirib va oʻzgartirib xarakterlovchi estetik kategoriya. Shuningdek, badiiy asarda ijodiy qayta yaratilgan har qanday voqea ham obraz deb yuritiladi. 

Dramaturg - dramatik asarlar, pyesalar yaratuvchisi.

Muqaddima – adabiy-badiiy, ilmiy, musiqiy asarlar va boshqalarning boshlanish qismi. Xususan, adabiy-badiiy asarlardagi muqaddimalarda ayrim xillarda mualliflarning ijtimoiy va estetik qarashlari bayon qilinadi.

Muallif — muayyan badiiy, ilmiy yoki publitsistik asar, loyiha, ixtiro va boshqa ijodkori.

Matbuot - barcha bosma mahsulotlar majmui; tor maʼnoda davriy nashrlar, asosan, gazeta va jurnallarni ifodalaydi(sinonimi – pressa). Matbuot ijtimoiy ongning oʻtkir va taʼsirchan vositasi sifatida kishilik jamiyatiga doimiy va faol taʼsir koʻrsatadi, jamoatchilik fikrini shakllantiradi, omma ongiga muayyan qarashlarni singdirishda qudratli gʻoyaviy omil hisoblanadi.