Adabiyoт uмuмiy o‘rтa тa’liм мakтablarining

O‘g‘il bola: – Endi hurmat bilan so‘z navbatini bugungi ma’rifiy 
kechamiz tashkilotchisi, ustozimizga beramiz.
Ustoz-o‘qituvchi  –  Kechamizning  aziz  ishtirokchilari,  muh-
taram  ustozlar,  hurmatli  o‘quvchilar!  Ma’lumki,  o‘z  ildizlarini 
bilmagan,  ajdodlari  taqdiridan  bexabar  xalqning  omi  to‘dadan, 
ongsiz podadan farqi qolmaydi. Tarixiy xotira esa el qalbiga g‘urur 
bag‘ishlaydi,  uning  qaddini,  qadrini  tiklaydi.  Mustaqillik  sabab, 
shukrki,  o‘zbek  eli  dunyo  sahnasida  o‘zining  kimligini,  qanday 
buyuk  zotlar  avlodi  ekanini  angladi,  olamga  anglatdi.  Mana  shu 
buyuk zotlar orasida Alisher Navoiy bobomizning o‘rni va ko‘rki 
o‘zgachadir. Hazrat o‘z asarlarining birida:
Muruvvat barcha bermakdur, yemak yo‘q,
Futuvvat barcha qilmakdur, demak yo‘q. 
deya ta’lim beradilar. Navoiyning o‘zi umri va ijodining so‘nggi 
zarrasigacha  xalqiga  hadya  etgan,  bu  ezguliklaridan  biror  ta’ma 
kutmagan benazir shaxs, chinakam futuvvat egasi bo‘lganlar.
Bugun davrada o‘qilgan ibratli misralarga yakun sifatida hazrat 
bobomizdan  meros  qolgan  bag‘oyat  o‘zbekcha  ushbu  misralarni 
o‘qisam,  so‘zimga  eng  yaxshi  xulosa  bo‘ladi,  deb  o‘ylayman. 
Mo‘tabar shoirimiz aytadilar:
Navosiz ulusning navobaxshi bo‘l,
Navoiy yomon bo‘lsa, sen yaxshi bo‘l!
Bunday  ulug‘  kamtarlik  oldida  faqat  va  faqat  bosh  egamiz, 
Navoiyga cheksiz ta’zimlar qilamiz.

---

153
O‘g‘il bola: – Endi maktabimiz miqyosida o‘tkazilgan “Navoiy 
mening  tasavvurimda”  mavzusidagi  eng  yaxshi  insho  hamda 
“Navoiy haqidagi eng yaxshi devoriy gazeta” tanlovlari g‘oliblarini 
e’lon qilish uchun so‘z tanlovlar hakamlar hay’ati raislariga beriladi.
(Har  ikki  tanlov  hakamlar  hay’ati  raislari  tanlov  natijalarini 
e’lon qilib, eng yaxshi uchtadan ish mualliflarini maktab direksiyasi 
tomonidan ajratilgan mukofotlar bilan taqdirlaydi, o‘z tilaklarini 
bildirishadi.)
Qiz bola: – Aziz do‘stlar, shu bilan ulug‘ o‘zbek mutafakkiri 
Alisher Navoiyning boqiy merosiga bag‘ishlab o‘tkazilgan adabiy-
ma’rifiy kechamiz nihoyasiga yetdi.
O‘g‘il bola: – Sizlarning barchangizga buyuk bobolarimiz ibrati 
doimo hamroh bo‘lishini, ularga munosib avlod bo‘lish baxti nasib 
etishini tilaymiz!