Adabiyoт uмuмiy o‘rтa тa’liм мakтablarining

Yodingizda tuting: 
Shoir  el  orasida  rostgo‘y  bo‘lib  nom  qozongan  odam,  vaziyat 
taqozosiga ko‘ra, biror marta yolg‘on gapirsa ham uni eshitishlari 
mumkinligini aytgan bo‘lsa, doimiy yolg‘onga o‘rgangan kishining 
rost gapiga ham boshqalar ishonmasligini durroj qismatida ko‘rsatib 
beradi.
Aytilganidek,  buyuk  bobomiz  o‘zining  hayotiy  tajribalari, 
zamondoshlariga yetkazmoqchi bo‘lgan o‘gitlarini ramziy obrazlar, 
shartli voqealar orqali bayon etadi. 
E’tibor bering:
Bu  hikoyatda  sher  –  ham  jismonan,  ham  ruhan  kuchli,  ayni 
vaqtda  bolalariga  cheksiz  mehrli,  ular  uchun  har  narsaga  tayyor 
fidoyi insonlar ramzi bo‘lsa, durroj – hayotga yengil-yelpi qarovchi, 
yolg‘onchilikni  kundalik  mashg‘ulotga  aylantirib  olgan  kimsalar 
timsolidir.
Hikoyatda,  garchi  obrazlar  ramziy  tabiatga  ega  bo‘lsa-da, 
ular  hayotiyligi  bilan  o‘quvchi  yodida  qoladi.  Agar  hayvonot 
olami  haqidagi  ko‘rsatuvlarga  e’tibor  bersangiz,  sherlar  bolalarini 
tishlarida tishlab bir yerdan boshqa joyga ko‘chirib yurishadi. Durroj 
– yovvoyi kaptarlar esa yirik hayvonlarning ustiga qo‘nib olib, har 
turli qiliqlari bilan ularning g‘ashiga tegadi.  

---

146