Adabiyoт uмuмiy o‘rтa тa’liм мakтablarining

Savol va topshiriqlar:
1. Anvar Obidjonning shoir bo‘lib yetishishiga hayotda ko‘rgan-
kechirganlari ta’sir ko‘rsatgan bo‘lishi mumkinmi? O‘ylab ko‘ring.

---

248
2. Shoir-yozuvchilar ijodida Vatan mavzusi muhim o‘rin tutishiga 
sabab nima, deb o‘ylaysiz?
3. 
Kulib turgan munchoqko‘z bola
«Tinchlik» so‘zin solar yodingga
misralari ma’nosini sharhlashga harakat qiling.
4. Shoir «Vatanjon» she’rida: 
«Sen o‘zing otamsan, sen o‘zing – 
bolam»
deganda nimalarni nazarda tutadi?
5. Nima uchun 
«Tutmoqlikdan ko‘ra nayzaga qalqon, Tinching mo‘rt 
shishadek asramoq qiyin»?
O‘ylab ko‘ring.
6. 
«Ichikamiz yozga faqat qish fasli»
deganda shoir nimaga ishora 
qilmoqda?
7. «Yer» she’rining o‘qituvchingiz yordamida tahlil qilinishida faol 
ishtirok eting.
Anvar Оbidjоnning darslikda bеrilmagan shе’rlaridan birini yod оling 
va sinfda o‘qib bеring.
Mustaqil o‘qish uchun
Anvar Obidjon
BAHROMNING HIKOYASI
Zo‘r tovug‘im bor edi
Semiz va sergap.
«Yapaloq» deb men unga
Qo‘ygandim laqab.
Tuxum tug‘ib berardi
Har kuni oppoq.
Shu tufayli u bilan
Yashardik inoq.
Ammo, so‘nggi paytda u
Bo‘pqoldi ayyor.

---

249
Tuxum desang, yuz burar,
Don sochsang – tayyor.
«Dangasa!» deb kecha sal
Qilgan edim do‘q.
Bugun ko‘rsam, katakda –
Tovuqqinam yo‘q.
«Yapaloq»ni qidirdim,
Chaqirdim rosa.
Nahotki, u arazlab
Ketvorgan bo‘lsa?
Katagida qolibdi
Faqat bitta pat
Va oydinda yozilgan
Aji-buji xat:
«Menga juda mehribon,
Shirinso‘z eding.
Doim suyib, erkalab
Tuxumim yerding.
Seni do‘st deb yurardim,
Tushundim bugun, –
Faqat oshna ekansan
Quymoqlar uchun.
Tuxumni ham berardim,
Kutmading picha.
Qo‘pol so‘ylab, ayniqsa,
Ranjitding kecha.

---

250
Garchi sendan ayrilmoq,
Bo‘lsa ham og‘ir,
Qaror qildim bosh olib
Ketmoqqa oxir.
Chunki do‘st deb yurgani
Tamagir chiqsa,
Hatto, oddiy tovuq ham
O‘ksinarkan ja...
Endi boshqa joylarda
Solaman dovrug‘.
Seni eslab yurguchi:
«Yapaloq-tovuq».
...Mendan bitta iltimos,
Bolalar, sizga,
«Yapaloq»ni ko‘rsangiz,
Qaytaring tezda.
Qaytsa, chin do‘st bo‘lardim,
So‘zlardim sizlab.
Kechirim ham so‘rardim
Patlarin silab.