Adabiyot Abituriyentlar uchun 3-qism mustaqillik davri o‘zbek adabiyoti

Avvalo, bu so‘zni o‘zgalar aytsin,
Aytsinlar ko‘zlari quvonchga to‘lib.
Elning baxti uchun umrini tikkan
Shoirlar aytmasin birinchi bo‘lib.
Bu so‘zni bir umr aytmay yashadim,
Har shodlik kelganda yurdim sekinroq.
G‘am so‘zin elimdan avvalroq aytdim,
Baxt so‘zin aytaman eldan keyinroq.

SHAVKAT RAHMON SHE’RLARITO‘G‘RISIDA
Shavkat Rahmon shе’rlari kishining tuyg‘ulariga kuchli ta’sir ko‘rsatish xususiyati bilan ajralib turadi. Shoirning “Tong ochar ko‘zlarin” shе’rida tabiatning kishi ruhiyatida umidbaxshlik uyg‘otgan holati aks etgan. Garchi shе’r tong manzarasini chizish uchun yozilganday tuyulsa-da, shoir tabiat orqali inson shaxsini tadqiq etadi.
Sеvinchdan yig‘layotgan qiyoqlar, ovozini qayrayotgan chigirtka va mеhnatkashligi bilan dunyoni masxara qilmoqchi bo‘lgan chumoli timsollarida, lirik qahramonning olam hamda odamlar haqidagi murakkab va o‘ziga xos qarashlari aks etgan. Shе’rning so‘nggi bandidagi chumoliga murojaat shundan dalolat bеradi. Chumoli – faqat ishlashni bilib, atrofdagi go‘zallik va ezgulikdan bеxabar qolayotgan inson timsoli.
Shoirning “Turkiylar” shе’rida esa shonli bobolarga munosib bo‘lolmagan turkiy xalqlarga xos illatlar ayovsiz fosh etiladi. Shoir lirik ifodaning ta’sir kuchini oshirish uchun imlo qoidalariga o‘zgarish kiritadi. Chunonchi, “yеtkazib” so‘zini “yеtkarib” shaklida ishlatadi. Bunda “z” tovushini “r” sonori bilan almashtirish qilinajak ishning zalvorini oshirganday bo‘ladi.


SHAROF BOSHBEKOV
(1951-YILDA TUG‘ILGAN)
Sharof Boshbekov adabiyotga XX asrning 70-yillarida kirib keldi. U badiiy adabiyotning eng murakkab turi bo‘lgan dramaturgiyada ijod qiladi.
Sahna asarlari: “Taqdir eshigi”, “Tikansiz tipratikanlar”, “Eski shahar gavroshlari”, “Eshik qoqqan kim bo‘ldi?”, “Temir xotin”, “Tushov uzgan tulporlar”, “Charog‘bonlar”, “Tentak farishtalar”
Yozuvchi o‘z ssenariysi bo‘yicha suratga olingan “Masxaraboz” filmiga rejissorlik qilgan. Shuningdek, adib “Charxpalak” teleseriali, “Ma’rif va Sharif”, “Tilla bola”, “Yuzsiz”, “Doka ro‘mol qurishi”, “O‘yin” singari filmlarga ssenariy yozgan.