Adabiyot Abituriyentlar uchun 3-qism mustaqillik davri o‘zbek adabiyoti

Birinchi kitobi: «Tortiq» nomli hikoyalar to‘plami (1940)
To‘plamlari: «Er yurak» (1942-yil), «Farg‘ona hikoyalari» (1948-yil), «Muhabbat» (1949-yil), «Cho‘l burguti»
Qissalari: «Qadrdon dalalar» (1949-yil), «Hukm» (1958)
Hikoyalari: «Xazina», «Hayqiriq», «Rahmat, azizlarim» (Ushbu hikoyalarida Ikkinchi jahon urushining dahshatli oqibatlarini hayajonli tasvirlaydi, urush qahramonlarini ulug‘laydi)
Romanlari: “Ufq”, “Jimjitlik”(1988)
Uning ijodida «Ufq» roman-trilogiyasi alohida o‘rin tutadi. 60-yillarda bu asarning dastlabki 2 kitobi chop etilgan. Keyinroq 3-kitobi ham e’lon qilinib, trilogiya sifatida adabiyotimiz xazinasini boyitdi. Romanning 1-kitobi «Qirq besh kun», 2-kitobi «Hijron kunlarida», so‘nggi, 3-kitobi esa, «Ufq bo‘sag‘asida» deb ataladi. Bu asar xalqimizning Ikkinchi jahon urushi arafasida, urush yillari va undan keyingi ilk davrlardagi hayoti, fidokorona mehnati, kurashlari, orzu-armonlarini badiiy aks ettiradi.
Uning 1988- yilda yaratilgan «Jimjitlik» romani xalqimizning sho‘ro hukumati davridagi zohiran tinch, turg‘unlik, aniqrog‘i, «jimjitlik» yillarida kechirgan kunlaridan hikoya qiladi. Asarda «qizil imperiya»ning rang-barang nayranglari tufayli hayoti fojiali kechgan kishilar taqdiri bo‘yab-bejalmasdan, haqqoniy ko‘rsatilgan.
Pyesalari: «Kelinlar qo‘zg‘oloni», «Kuyov»
Hajviy hikoyalar to‘plami: «Xandon pista» (1994), «Bir o‘pichning bahosi»
Kitoblari: «Yo‘qotganlarim va topganlarim», «Qorako‘z majnun», «Kiprikdagi tong».
Said Ahmad keyingi yillarda yana bir qator yangi hikoyalar va xotiralar to‘plamlarini e’lon qildi. Ayniqsa, Oybek, G‘afur G‘ulom, Abdulla Qahhor, Mirtemir, Shuhrat, Saida Zunnunova, O‘lmas Umarbekov kabi adabiyotimizning zabardast vakillari haqidagi xotiralari keng e’tirof topdi. Adibning ko‘pgina asarlari xorijiy tillarga ham tarjima qilingan. Istiqlol yillarida 3 jilddan iborat «Tanlangan asarlar»i yaratildi.
Adibning barakali va mazmunli ijodiy faoliyati davlatimiz tomonidan munosib taqdirlandi. Adib «O‘zbekiston xalq yozuvchisi» unvoniga, Davlat mukofotiga sazovor bo‘lgan, «Buyuk xizmatlari uchun», «Do‘stlik» ordenlari bilan mukofotlangan. Said Ahmadga Vatanimizning yuksak mukofoti – «O‘zbekiston Qahramoni» unvoni berilgan.
Said Ahmad 2007-yil 5-dekabrda vafot etdi.