Адабиётлар шарҳи хўжалик юритувчи субъектнинг ташкилий иқтисодий тавсифи

МУНДАРИЖА

КИРИШ
АДАБИЁТЛАР ШАРҲИ
ХЎЖАЛИК ЮРИТУВЧИ СУБЪЕКТНИНГ ТАШКИЛИЙ - ИҚТИСОДИЙ ТАВСИФИ
ПУЛ МАБЛАҒЛАРИ ҲИСОБИ ВА ТАҲЛИЛИНИ ТАШКИЛ ЭТИШ
Пул маблағларининг иқтисодий мазмуни, ҳисобининг ташкил этилиши, вазифалари ва ҳуқуқий-меъёрий тартибга солиниши
3.2. Касса муомалаларининг иқтисодий мазмуни, вазифалари ва ҳисобини ташкил этиш
3.3. Банкда очилган счётлар бўйича муомалалар ҳисобини ташкил этиш
3.4. пул маблағлари ҳаракатининг таҳлили
ХУЛОСА ВА ТАКЛИФЛАР
ФОЙДАЛАНИЛГАН АДАБИЁТЛАР РЎЙХАТИ

КИРИШ
Масъулияти чекланган жамиятларда ишлаб чиқаришини ташкил этиш ва амалга оширишда пул маблағлари ҳаракатини самарали бошқариш масаласи долзарб ҳисобланади.
МЧЖ ўз молиявий- фаолиятини барқарор амалга оширишлари учун етарли даражада пул маблағларига эга бўлишлари лозим. Президентимиз
Ш Мирзиёев ҳам ўз асарида ушбу масалага тўхталиб ўтиб: “...жаҳон молиявий инқирозининг асосий сабабларидан бири – бу банклар ликвидлиги, яъни тўлов қобилиятининг заифлиги билан боғлиқ муаммонинг кескинлашуви, кредит бозоридаги танглик, содда қилиб айтганда, пул маблағларининг етишмаслиги билан изоҳланади”¹ деб таъкидлаганлар.
Шу боисдан, корхоналарда пул маблағлари ҳаракатини тўғри ташкил этиш, уларни оқилона бошқариш, пул маблағларидан мақсадли фойдаланишни назорат қилиш ҳамда пул оқимларини таҳлил қилиб бориш муҳим аҳамиятга эга.
МЧЖ фаолиятида пул маблағларига бўлган эҳтиёжни ўрганиш, пул маблағлари билан ўз вақтида ва етарли таъминланиш ҳамда улардан тўғри фойдаланишни ташкил этишнинг аҳамияти жуда катта ҳисобланади. Шу нуқтаи назардан, пул оқимларини бошқаришни такомиллаштириш масаласи жуда долзарб ҳисобланади.
Мазкур масалалар илмий-тадқиқот олиб боришнинг зарурлиги эса битирув малакавий иши мавзусининг долзарблигини белгилайди.
Сўнгги йилларда иқтисодчи олимлар томонидан аграр сектор корхоналарида пул маблағлари ҳисоби ва таҳлилини ташкил этишнинг услубий масалаларига доир муаммоларнинг турли жиҳатлари тадқиқ қилинган. Республикамиз иқтисодчи олимлари Бобожонов О., Ваҳобов А., Дўсмуратов Р., Завалишина И., Ибрагимов А., Каримов А., Пардаев М., Сотиволдиев А. ва бошқаларни киритиш мумкин.
Бироқ иқтисодиётни эркинлаштириш шароитида пул маблағларининг ҳаракати бир бутун яхлит тизим сифатида чуқур тадқиқ қилинмаган. Ушбу мавзу бўйича битирув малакавий иши тайёрлаш мақсад қилиб олинди.
Битирув малакавий ишининг мақсади МЧЖларда пул маблағлари ҳисоби ва таҳлилини ўрганиш натижасида хулосалар шакллантириш ва таклифлар тайёрлашдан иборат.
Битирув малакавий иши объекти сифатида Тошкент шаҳардаги “Интернет Консалт” МЧЖ олинди. Битирув ишини тайёрлаш жараёнида соҳага доир ҳуқуқий-меъёрий ҳужжатлар, илмий ва ўқув адабиётлари, амалиёт материаллари ҳамда бошқа манбалар ўрганилади.
Аграр сектордаги корхоналарда пул маблағлари ҳисоби ва таҳлилининг ташкил этилиши билан боғлиқ назарий, услубий ва амалий масалалар мажмуи малакавий иш предмети бўлиб ҳисобланади. Изланишлар амалдаги меъёрий ҳужжатлар, республикамиз иқтисодий адабиётлари, корхоналардаги жорий бухгалтерия ҳисоби ҳамда пул оқимлари тўғрисидаги ҳисоботлар маълумотлар негизида ўтказилади.
Битирув малакавий ишининг назарий асослари бўлиб Президент И. Каримовнинг асарларида ишлаб чиқилган мамлакатимизнинг ўзига хос иқтисодий тараққиёт модели, хусусан “Жаҳон молиявий-иқтисодий инқирози, Ўзбекистон шароитида уни бартараф этишнинг йўллари ва чоралари” асарида белгиланган вазифалар, ҳукумат қарорлари, соҳага оид ҳуқуқий-меъёрий ҳужжатлар ҳисобланади. Шунингдек, пул маблағлари ҳисоби ва таҳлилига оид олимларининг илмий ишларидан ҳам фойдаланилди.
Битирув малакавий ишини тайёрлаш жараёнида гуруҳлаш, таққослаш, монографик кузатиш ҳамда бошқа таҳлил усулларидан фойдаланилди.

1.