Abu ali ibn sino nomidagi ixtisoslashtirilgan maktab

ABU ALI IBN SINO NOMIDAGI IXTISOSLASHTIRILGAN MAKTAB
Maktab o’quvchilar boshqaruvida
27.02.2023
Maktab direktori – Nurmuhammadova Adiba :
Ertalabki saflanish tadbirida boshqaruvdagi o’quvchilar tanishtirilib o’tildi va o’quvchilarning yangi haftani boshlashlari va yaxshi o’qishlariga turtki berildi. Dars jarayonlarining o’quvchilar tomonidan qay darajada o’tilayotgani va o’quvchilarning munosabati ko’rib chiqildi. Oshxonadagi holat kuzatildi. Sinf sardorlari majlisi o’tkazildi hamda muammo va takliflar o’rganilib chiqildi. Barcha lavozimdagi o’quvchilarning o’z ishlarini bajariliyotganligi nazorat qilindi.
O’quv-ishlari bo’yicha direktor o’rinbosari-Xasanova Sitora:
Bir kunlik maktab boshqaruvi uchun dars jadvali tuzildi va o’quvchilar tomonida fan o’qituvchilari tayinlandi. Dars mashg’ulotlarining o’z vaqtida va o’z o’rnida o’tilishi nazoratga olindi. O’quvchilar tomonidan berilgan dars jarayonlari bo’yicha muammolar va takliflar o’rganib chiqildi.
Ma’naviy-ma’rifiy ishlari bo’yicha direktor o’rinbosari ­­­­­– Qahramonova Zuhra:
A va B blokdagi darslarning o’tilayotganini tekshirildi.Kech qolgan o’quvchilar nazoratga olindi.Tushlik vaqtida o’quvchilarning tartib qonun-qoidalariga amal qilinishi kuzatuvga olindi.Bosh tarbiyachi bilan birgalikda yotoqxona holati tekshirildi.
Maktab maslahatchisi – Qahramonova Fotima:
7- o’zbek sinflarning ilmiy ish mavzulari bo’yicha suhbat o’tkazildi va ulardagi muammolar o’rganib chiqildi. Liderlar majlisida o’quvchilarga yangi topshiriqlar berildi.Bir kunlik maktab boshqaruvi bo’yicha o’quvchilarning fikri o’rganib chiqildi.
Xo’jalik ishlari bo’yicha direktor o’rinbosari – Maxsudxo’jayev Ibratxo’ja:
A va B bloklar ichimlik suvi bilan ta’minlandi.Ertalabki saflanishga o’quvchilarning to’liq holda qatnashishi ta’minlandi.Ovqatlanish vaqtlarida o’quvchilarning oshxona tartib qoidalariga amal qilinishi nazoratga olindi.A va B blokdagi hamda yotoqxonadagi barcha muammolar o’rganib chiqildi va bu muammolar Xidirov Saidrasulga yetkazildi.
Bosh tarbiyachi – Bo’riboyeva Marjona:
Ertalab psixolog bilan birgalikda davomat va forma tekshirildi.Yotoqxonadagi xonalar holati o’rganib chiqildi va xonasi qoniqarli bo’lmagan o’quvchilarga majlis o’tkazildi va ularga ogohlantirish berildi. Kech qolgan o’quvchilarning ota-onasi bilan gaplashib farzandlarini nazoratga olishlari ta’kidlab o’tildi.Ovqat vaqtlarida o’quvchilarning tartib qoidalarga amal qilishi nazoratga olindi.
Psixolog – Anvarjonova Ziynat:
Ertalab o’quvchilarning formada va o’z vaqtida yetib kelinishi nazoratga olindi. Dars mashg’ulotlari tahlil qilindi. Darsdan so’ng 7-V sinf bilan psixologik trening o’tkazildi va trening mashg’ulotida o’quvchilarning kelajakdagi orzu-niyatlari bilan tanishib chiqildi.Hamda ularga yetarlicha yo’nalish berildi.
Sinf sardorlar yetakchisi – Salimjonova Sarvinoz: Ertalabki saflanishda olib borildi va bunda o’tgan haftadagi bo’lib o’tgan ishlar va yangi hafta uchun rejalashtirilayotgan ishlar haqida gapirilib o’tildi.Darsda, tanaffus vaqtlarida, oshxonada o’quvchilarning maktab tartib qonun-qoidalariga amal qilinishi nazoratga olindi. Soat 14.30da sinf sardorlariga yig’ilish o’tkazildi. Majlisda sinf sardorlariga hafta davomidagi topshiriqlar yetkazildi.