Abu ali ibn sino nomidagi buxoro davlat tibbiyot

Psoriazning quyidagi klinik ko'rinishlari tafovut qilinadi: 
1.vul'gar (oddiy) psoriaz 
2.ekssudativ psoriaz 
3.seboreyali psoriaz 
4.artropatik psoriaz 
5.psoriaz eritrodermiyasi 
6.pustulyoz psoriaz
7.qo'l kafti va tovon psoriazi. 
8.intertriginoz psoriaz 
Ýkssudativ psoriaz. Oddiy psoriazdan ekssudativ jarayonlar ustunligi bilan ajralib 
turadi, natijada psoriatik toshmalar yuzasida tangacha va po'stchalar sarg'ish rangda 
bo'ladi. Po'stchalarni olib tashlanganda qon aralash suvchiragan yuza chiqadi. 
Seboreyali psoriaz
. Asosan boshning sochli qismi va seboreyali sohalarda joylashib 
o'ziga xos klinik ko'rinishga ega. Jarayon uzoq vaqt chegaralangan ko'rinishda kechadi 

---

26 
va yallig'lanish kuchsiz bo'lgan kepaklanish ko'rinishida bo'ladi. Bunday holatlarda 
agar psoriazga xos toshmalar terining boshqa sohalarida bo'lmasa hamda irsiyatida 
bo'lmasa tashxis qo'yish qiyin bo'ladi. Bundan tashqari yuzda, ko'krak sohasida 
chegarasi aniq ustida qat-qat tangacha bilan qoplangan papula yoki pilakchalar 
aniqlanadi. Psoriatik uchlik belgisi vul'garga nisbatan kuchsiz ifodalangan. 
Artropatik psoriaz.
Kasallikning og'ir formalaridan bo'lib, ko'pincha bemorni 
nogironlikka ba`zan kaxeksiyadan o'limga olib kelishi mumkin. Psoriazda 
bo'g'imlarning shikastlanishi jarayonning sistemali kechayotganligidan dalolat beradi. 
Bu turi ko'proq erkaklarda uchraydi. Kasallikning boshlanishè har xil. Bo'g'imlarning 
zararlanishi ba`zida chegaralangan uchrasa, ba`zan teri ko'rinishlari bilan birga 
uchraydi. Suyak bo'g'imlardagi rengenologik o'zgarishlar: bo'g'im atrofi osteoporozi, 
bo'g'im yoriqlari torayishi, ostiofitlar, suyak to'qimasi kistozi, suyaklar eroziyasi, 
oligoartritlar, 
psoriatik 
spondilit, 
psoriatik 
sakroilitlar 
kuzatiladi.Bemorlar 
bo'g'imlardagi kuchli og'riqlarga shikoyat qiladi.Zararlangan bo'g'im kasallikning 1- 
davrida qizarib shishgan bo'ladi. Bemorning umumiy ahvoli yomonlashadi, tana 
harorati ko'tarilib ishtaha pasayadi, oshqozon-ichak trakti faoliyati buziladi. Bu 
belgilar asta-sekin yo'qolib, jarayon o'tkir osti va keyin surunkaliga o'tadi. Vaqt o'tishi 
bilan bo'g'imlar deformatsiyasiga va ankilozga olib keladi.