Abituriyentler ushın Qaraqalpaq tili páninen qollanba quwat Jarekeev Tildiń jámiyetlik xızmeti

Ózlik almasıǵı
Zatkardı hám basqa da nárselerdi, anıqlap, tastıyıqlap kórsetetuǵın óz sózine ózlik almasıǵı delinedi. Ózlik almasıǵı ataw formasında qollanılǵanda, kóbinese tartımlanǵan atlıqlardıń aldında keledi hám sol sózdiń anıqlawısh xızmetin atqarada. Mısalı: Hárbirimiz bul atlanısta óz ornımızdı belgilewge tırısamız. Ózlik almasıǵı betlik, kóplik, tartım qosımtaları menen túrlenedi. Ózlik almasıǵı seplik qosımtaları menen túrlengende, tartım jalǵawı túrinde qollanıladı. Sepleniwi:

Seplik	I bet	II bet	III bet
Ataw	Ózim	Óziń	Ózi
Iyelik	Ózimniń	Ózińniń	Óziniń
Barıs	Ózime	Ózińe	Ózine
Tabıs	Ózimdi	Ózińdi	Ózin
Shıǵıs	Ózimnen	Ózińnen	Ózinen
Orın	Ózimde	Ózińde	Ózinde

Ózlik almasıǵı betlik almasıǵı menen dizbeklesip te qollanıladı. Bunday jaǵdayda ózlik almasıǵı tartım jalǵawlı keledi de, kóbinese ataw formasında turadı: men ózim, sen óziń, ol ózi: biz ózimiz, siz ózińiz
Ózlik almasıǵı tákirarlanıp kelip jup sóz yamasa sóz dizbegi túrinde qollanılǵanda, ráwishlik qásiyetke iye boladı: ózli-ózi, ózi-ózine, ózi-ózinen, ózine-ózi, ózinen-ózi, ózi menen ózi. Mısalı: Mıń táshwishtiń dárbentinde óz-ózimdi joytarman. Ol óz-ózinen sharshaǵanday bolıp ǵırra keynine qayttı. Kempir bir nárselerdi aytıp ózinen-ózi gúbirlendi.