Abduvohidov S. N., Ganiyev Z. A. Geografiya ta’limi metodikasi

 
6.
 
Muammolilik  tamoyili.
  Ushbu  tamoyil  o‘quv  jarayonining  muammoli 
vaziyatlarga asoslanishini anglatadi. Ta’lim jarayonida pedagog talabalarga tayyor 
bilimlarni bermay, balki ularni mavzuga doir muammoli vaziyatlarga ro‘para qilish 
orqali  mustaqil  fikrlash  asosida  o‘quv  materialini  puxta  o‘zlashtirishiga 
yo‘naltiradi.  Muammolilik  tamoyiliga  ko‘ra  ta’lim  jarayonida  o‘quv  materialiga 
doir  ilmiy  faraz  (gipoteza)  ilgari  suriladi,  u  asoslanadi  va  muammoning  yechimi 
topiladi. Dastlab bu jarayon pedagog tomonidan tashkil etiladi, keyingi bosqichda 
esa  pedagog  –  talabalar  jamoasi  ishtirokida,  nihoyat  talabalarning  o‘zlari  “ilmiy 
faraz  –  uni  asoslash  –  yechimini  topish”  jarayonini  mustaqil  amalga  oshirish 
malakalarini o‘zlashtiradi.
 

---

204 
 
Yetakchi  xorijiy  davlatlar  ta’limi  amaliyotida  pedagoglar  faqatgina 
muammo,  masala  mohiyatini  o‘rganish  metodlarini,  ularni  yechish  yo‘llarini, 
amaliy  tajribaning  mohiyatini  hamda  natijani  topish  shartlaridan  talabalarni  ogoh 
etadi. Bu holat pedagogning tadqiqotchi sifatida namoyon bo‘lishini ta’minlaydi va 
uning namunasida talabalar amaliy tajribalarni samarali, to‘g‘ri tashkil etish, ijodiy 
fikrlash  va  faollik  ko‘rsatish  malakalarini  muvaffaqiyatli  o‘zlashtiradi.  Natijada 
mashg‘ulotlar (hatto nazariy mashg‘ulotlar) amaliy xarakter kasb etadi