Abduvohidov S. N., Ganiyev Z. A. Geografiya ta’limi metodikasi

 
 

---

81 
 
III-BOB. XORIJIY DAVLATLARDA GEOGRAFIYA TA’LIMI 
 
3.1 Xorijiy davlatlarda geografiya ta’limining xususiyatlari 
 
Ta’limdagi samaradorlik mezoni uning xalqaro standartlar talabalariga javob 
berishi  bilan  belgilanadi.  Buning  uchun  jahon    pedagogikasidagi,  xususan, 
geografiya ta’limidagi o‘ziga xos jihatlarni keng o‘qituvchilar ommasiga yetkazish 
katta  ahamiyatga  ega.  Ayniqsa,  rivojlangan  mamlakatlardagi  ta’lim  tizimini 
atroflicha tahlil qilish, mamlakatimizda xalq ta’limini jahon  standartlari darajasiga 
olib  chiqishda  cheksiz  imkoniyatlar  yaratadi.  Keyingi  o‘n  yilliklarda  xalqaro 
miqyosda pedagogika fani katta yutuqlarga erishdi. Aholining savodxonlik darajasi 
birmuncha  oshdi.  Geografiya  o‘qituvchilarini  tayyorlash  va  ularning  malakasini 
oshirish tizimi ancha yuqori pog‘onaga ko‘tarildi. Hozirgi kunda geografiya ta’limi 
jahonning ko‘pgina mamlakatlarida 3 ta yo‘nalishda olib borilmoqda: 
1. Barcha o‘quvchilar uchun yagona o‘quv rejasi va dasturi asosida: (Sharqiy 
Yevropa va MDH davlatlarida). 
2.  Barcha  o‘quvchilar  o‘rganishi  majburiy  bo‘lgan  fanlar  qatorida 
qo‘shimcha fakultativ mashg‘ulotlar (Filippin, Fransiya, Germaniya, Yaponiya va 
ko‘pchilik 
rivojlanayotgan 
mamlakatlarda) 
yuqoridagi 
mamlakatlarning 
ko‘pchiligidagi  geografik  bilimlar  mazmuni  va  ta’lim  jarayoni  bir-biridan  keskin 
farq qiladi. Turli mamlakatlarda ta’limning bunday tashkil qilinishiga asosiy sabab 
ijtimoiy, iqtisodiy, madaniy, diniy va boshqa xususiyatlarning ta’siridir. 
Birinchi guruhga kiruvchi mamlakatlarda geografiya ta’limi asosan tabiiy va 
iqtisodiy  geografiya  kurslaridan  tashkil  topgan.  Shahar  va  qishloq  joylardagi 
barcha maktablarda yagona o‘quv rejasi asosida o‘tkaziladi.  
Ikkinchi  guruh  mamlakatlarida  geografiya  bilimlari  maxsus  fanlar  tarzida 
emas,  balki  integratsiya  (birikma)  tarzida  bo‘lib,  boshqa  fanlar,  kurslar  tarkibiga 
qo‘shilib  ketgan.  Bunda  geografiyani  chuqur  o‘rganish  xohlovchilar  maxsus 
fakultativ mashg‘ulotlar orqaligina o‘z bilimlarini oshirishlari mumkin. Shu tufayli 
ham  bu  guruhdagi  davlatlarda  geografiya  ta’limi  bo‘yicha  yagona  davlat  rejasi 
yo‘q,  har  bir o‘qituvchi  maktab  joylashgan  sharoit nuqtai nazaridan kelib  chiqib, 
o‘quv dasturini tuzish mumkin. Masalan: AQShda 1700 dan ortiq maktab okruglari 
mavjud bo‘lib, ularning barchasi o‘ziga xos bo‘lgan geografiya ta’limi mavjud va 
bir-biriga o‘xshamaydigan dasturlar bo‘yicha ish yuritiladi. 
Uchinchi  guruh  mamlakatlarda  geografiya  majburiy  o‘rganiladigan  fanlar 
qatoriga  kirmaydi  va  uni  fakultativlar  orqali  o‘rganish  asosiy  o‘rinni  egallaydi. 
Umuman  olganda,  Yevropa  va  Amerikaning  rivojlangan  mamlakatlarida  barcha 
o‘quvchilar  uchun  majburiy  bo‘lgan  fanlar  qatorida  xilma-xil  murakkablikdagi 
fakultativ kurslar turi keng tarqalgan. Jahon  tajribasida 3 - bosqichli ta’lim tizimi 

---

82 
 
asosiy  hisoblanadi,  ya’ni boshlang‘ich  maktab  (1-4  sinf), o‘rta bosqich  (5-9  sinf), 
yuqori bosqich (9-12 sinf). 
Ko‘pchilik  davlatlarda  har  bir  bosqichdagi  ta’limda  o‘qish  yili  o‘zgarib 
turadi. Boshlang‘ich maktabda 6-9 yosh, o‘rta bosqichda 10-14 yosh, yuqori sinfda 
14-16  yoshni  tashkil  qiladi.  Har  bir  bosqichda  geografiya  ta’limi  o‘ziga  xos 
maqsadga ega. Masalan: birinchi bosqich, maktabda geografiya ta’limining asosiy 
maqsadi  (mikro-maqsad)  yaqin  atrof-muhitni  o‘rganish,  moddiy  va  ma’naviy 
boyliklarga  nisbatan  mehr-muhabbat  ruhida  tarbiyalashdan  iborat.  Ikkinchi 
bosqichda  (mezo-maqsad)  o‘z  mamlakatining  xo‘jalik  hayotini  o‘rganish,  zarur 
kasblar  haqida  ma’lumotlar  olish,  ta’limiy  ko‘nikma  va  malakalarni 
shakllantirishdan  iborat.  Uchunchi  bosqichdagi  maktablarda  (makro-maqsad) 
insoniyatning  global  muammolarini  va  jahon    xo‘jaligini  o‘rganishdan  iborat. 
Jahon    tajribasida  geografiyani  o‘qitishning  ahvoli  muhim  emas.  Shu  tufayli  uni 
o‘quvchilarga o‘rgatish bo‘yicha ikki fikr (yo‘nalish) tarafdorlari ham bor: Birinchi 
yo‘nalish tarafdorlarining fikri o‘quv rejalarida geografiyani mustaqil fan sifatida 
muntazam  o‘tishni  amalga  oshirish  bo‘lsa,  ikkinchi  yo‘nalish  tarafdorlari 
geografiyani  boshqa  o‘quv  fanlari  bilan  integratsiya  (birikma)  tarzida  qo‘shib 
o‘tishni  isbotlab  berishga  urinadilar.  O‘quv  fanlarini  biriktirish  borasida  AQSh 
jahonda yetakchi bo‘lib, 40 – 50 yillardagi ta’lim islohatida ko‘pgina fanlar qatori 
geografiya  majburiy  o‘rganiladigan  fanlar  qatoridan  chiqarib  tashlandi  va  tarix, 
jamiyatshunoslik bilan birlashtiriladi. Geografiyani bunday o‘qitish o‘qituvchilarga 
talay  qiyinchiliklar  tug‘diradi.  Natijada  geografiya  ta’limining  sifati  juda  pasayib, 
o‘quvchilar  zarur  ko‘nikma  va  malakaga  ega  bo‘lmay  qoladilar.  Masalan: 
Michigan  universitetining  geografiya  fakultetiga  o‘qish  uchun  ariza  bergan  400 
o‘quvchining  yarimi  geografiyani  faqat  boshlang‘ich  maktabda  o‘rganganligi 
ma’lum bo‘ldi. Shu tufayli ham hozirgi kunda AQShda geografiyani mustaqil fan 
sifatida  tiklash  uchun  kurash  ketayapti.  Jahonning  ko‘pgina  mamlakatlarida 
fanlarni  o‘rganish  ixtiyoriy  bo‘lib,  o‘quvchilar  xohish-istaklari  ostida  amalga 
oshiriladi.  Bu  guruhga  kiruvchi  mamlakatlarda  majburiy  fanlar  soni  7-8  dan 
oshmaydi.  Masalan,  Finlyandiya  va  Shvesiyada  fin  va  shved  tili,  iqtisodiy  va 
sotsialogiya, biologiya, kimyo, ingliz tili va sport majburiy fan hisoblanadi. 
Fan  maktablarida  9  yillik  ta’limdan  keyin,  sinfsiz  gimnaziyalar  keng 
tarqalgan.  Bunday  gimnaziyalarda  ta’lim  2  –  4  yil  davom  qiladi.  O‘quvchilar 
tuzgan  o‘quv  rejalari  kurs  rahbarlari  va  ma’muriyat  tomonidan  tasdiqlanadi. 
Gimnaziyada o‘quv yili 6 davrga bo‘lingan. Har bir davr 6 haftadan iborat bo‘lib, 
kurslar  32  soatdan  tashkil  topadi.  Har  bir  kursdan  bittadan  fan  kuniga  4  –  7  soat 
o‘qiydi. Sport darslari mashg‘ulotlardan keyin tushlik dam olishda o‘tkaziladi. Har 
davr yakunida o‘quvchilar bilimi baholanadi. Agar o‘quvchi qoniqarsiz baho olsa, 
shu  kursni  qaytadan  tanlaydi.  Deyarli,  ko‘pchilik  mamlakatlar  geografiya  ta’limi 

---

83 
 
davlatning  ijtimoiy–siyosiy  va  iqtisodiy  tizimi  bilan  bog‘liq.  Tabiiy  va  iqtisodiy 
geografiyani  o‘rganish  asos  qilib  olingan.  MDH  va  Sharqiy  Yevropa 
mamlakatlarida tabiat va xo‘jalikning rivojlanish qonuniyatlari jamiyat bilan tabiat 
o‘rtasidagi  munosabatlar,  atrof-muhit  muammolari  geografiya  ta’limining  asosini 
tashkil  qiladi.  Aksariyat  rivojlangan  mamlakatlarda  geografiya  ta’limi  mazmun 
jihatidan  yuqori  bo‘lib,  o‘quvchilarda  ma’lum  ko‘nikmalarni  shakllantirishga 
qaratilgan,  bu  davlatlarda  geografiya  ta’limi  muammolarini  turli  nazariya  va 
qonunlarning  kategoriyalarini  o‘rganishga  bag‘ishlangan  bo‘lib,  o‘quvchilarning 
o‘zlashtirishida bir muncha qiyinchiliklar tug‘diradi. 
Rivojlangan  mamlakatlar  geografiya  ta’limida  ta’limning  ruhiy  jabhalari 
asosiy  o‘rinni  egallaydi.  O‘quvchi  ruhiyatini,  uning  bilish  faoliyatini  o‘rganishga 
katta  e’tibor  beriladi.  Geografiya  ta’limida  turli  matnlar,  o‘yinlar,  imitatsiya  keng 
qo‘llaniladi.  Ular,  hatto,  ta’lim  metodlari  sifatida  ham  qo‘llaniladi.  Masalan: 
o‘quvchi  o‘zini  kompaniya  prezidenti  sifatida  tasavvur  qiladi,  ish  yuritadi,  Biron 
muammoni hal qiladi, o‘zi xulosalar chiqaradi. Umuman, bunday ta’limning asosiy 
maqsadi  o‘quvchilarni  kelgusi  hayotga,  ya’ni  ishbilarmonlikka  tayyorlashdan 
iborat. Turli mamlakatlarning geografiya o‘quv darsliklari va qo‘llanmalarini tahlil 
qilish  shuni  ko‘rsatadiki,  ularda  bitta  kursni  o‘qitish  uchun  bir  necha  qo‘llanma 
chiqariladi.  Ko‘pchilik  hollarda  ular  qiziqarli  ma’lumotlarga  boy  bo‘lib,  axborot 
xususiyatiga ega. Bunday qo‘llanmalarda matn 20 -40% ni, tasvir 20% ni, statistika 
20% ni, savol va topshiriqlar 20% ni tashkil etadi. Kitoblardagi tasvirlar nihoyatda 
sifatli.  Quyi  sinflar  qo‘llanmalarida  esa,  deyarli  karta  yo‘q.  Ular  o‘rnini  karta  – 
sxemalar  egallagan.  Matnda  raqamli  sonlar  ko‘p  uchramaydi,  mavjudlari  ham 
taqqoslash xarakteriga ega bo‘lib, ular eng past, eng kichik, eng baland, eng yuqori 
kabi  tarzlarda  berilgan.  Mavzu  yoki  bo‘limdan  keyin  qo‘yiladigan  Blis  so‘rov  va 
topshiriqlar  mavzu  mazmunini  to‘liq  his  ettirmasligi  ham  mumkin.  Qo‘yiladigan 
Blis so‘rovning aksariyati muammoli topshiriqlar, diskussiya Blis so‘rovi, amaliy 
o‘yinlar  tarzida  berilgan.  O‘quvchilar  uchun  chiqarilgan  geografiya  darsliklarida 
kompyuterlar  bilan  ishlash  uchun  maxsus  Blis  so‘rov,  qiziqarli  topshiriqlar, 
matematik  statistika  metodlari,  turli  o‘yinlar,  testlar  tarzida  geografik  bilimlarni 
egallashga  keng  o‘rin  berilgan.  O‘quvchilar  ularni  mustaqil  bajarish  jarayonida 
tadqiqotchi  rolini  o‘ynaydilar.  Geografiya  darsligi  rivojlangan  mamlakatlar 
geografiya ta’limi metodikasida eng yetakchi o‘rinni egallaydi. Buyuk Britaniya – 
geografiya  ta’limi  metodikasida  o‘ziga  xos  xususiyatlarga  ega.  Uning  kuchli 
tomonlari quyidagilardan iborat: 
-ta’limning  nazariy  tomonlarini  kuchaytirish,  ya’ni  unda  hozirgi  zamon 
geografik tadqiqot metodlarini ko‘proq o‘rganish; 
-geografiya ta’limi jarayonida psixologik – pedagogik tadqiqotlari o‘tkazish; 

---

84 
 
- ta’lim jarayonida tadqiqot metodlaridan unumli foydalanish, o‘quvchilarni 
gipotezalar (farazlar) tuzishga o‘rgatish; 
-  darslikda  turli  mazmundagi  eksperimentlar  uyushtirish,  ya’ni  tasavvur, 
tushuncha  va  turli  xil  qarashlarni  shakllantirish  metodlariga  keng  o‘rin  berilgan. 
Ammo metodlarni sinash, ta’limni uyushtirish shakllari ancha zaif. 
Rivojlangan mamlakatlardagi geografiya ta’limi ko‘p jihatdan o‘sha jamiyat 
va  davlat  ehtiyojlari  bilan  bog‘liq  bo‘lib,  uning  manfaatlariga  xizmat  qiladi. 
Masalan,  Buyuk  Britaniya  maktablarida  geografiyadan  imtihon  biletlarida 
o‘quvchilarga quyidagi mazmundagi Blis so‘rovga javob yozishi talab etilgan: 
1.  G‘arbiy  Yevropaning  transport  geografiyasida  suv  va  quruqlik 
yo‘llarining  (Buyuk  Britaniya,  Norvegiya,  Shvesiyadan  tashqari)  bir-biriga 
nisbatan ahamiyatini baholang; 
2.  Tabiiy  geografiya  va  insonlar  faoliyati  bilan  bog‘liq  bo‘lgan  qanday 
omillar  Fransiya  va  Niderlandiya  qishloq  xo‘jaligi  geografiyasini  o‘rganishga 
yordam beradi; 
3.  Shimoliy-g‘arbiy  Yevropaning  istalgan  ikkita  yirik  porti  geografiyasini 
qiyoslang; 
4. Daniya iqlimining qaysi xususiyatlari sut chorvachiligining rivojlanishiga 
yoki rivojlanmasligiga sababchi bo‘ladi? 
AQSh  maktablarida  o‘quvchilar  bilimini  baholash  ham  o‘ziga  xos 
xususiyatlarga ega. Quyidagi ana shu Blis so‘rovdan namunalar keltiramiz: 1. Ko‘p 
variantli  savoldan  kerakli  javobni  topish  (eng  keng  tarqalgan  metod).  Masalan: 
Angliya import qiladigan neftning asosiy qismi quyidagi davlatlarning qaysilaridan 
keltiriladi? A) Venesuela. B) AQSh. V) Yaqin Sharq davlatlari. g) Shimoliy dengiz 
havzasi. D) Jazoir.  
2.  To‘g‘ri  yoki  noto‘g‘ri  ekanligini  aniqlang:  Maran’on,  Madeyra,  Riu-
Negru daryolarining qaysilari Braziliya territoriyasidan tashqarida boshlanadi?  
3.  Umumlashtirishga  oid  Blis  so‘rov,  Masalan:  quyidagi  shaharlarning 
ro‘parasiga shu shaharga xos bo‘lgan quyidagi sanoat tarmoqlarini yozing. Kimyo 
sanoati, neftni qayta ishlash va h.k. 
Liverpul ___________________ 
Manchester ___________________ 
Bolton ______________________ 
Port ________________________ 
Uidnes ______________________ 
4.  So‘zlari  tushirib  qoldirilgan  tarzdagi  Blis  so‘rov:  Masalan:  Hudud  yer 
yuzasining  katta  qismlari  ......  davrda  hosil  bo‘lgan  muz  qoldiriqlari  bilan 
qoplangan va hokazo. 

---

85 
 
5. Iqtisodiy hisob-kitob talab qiladigan tarzdagi Blis so‘rov, masalan: firma 
egasi ishlab chiqarayotgan sanoat mahsulotining 60%ini mamlakat ichida, 40%ini 
esa  chet  el  firmalariga  sotishi  kerak.  Sanoat  va  savdo  ministerligi  unga  mahsulot 
ishlab chiqarish uchun quyidagi beshta hududdan bittasiga korxona qurishga ruxsat 
berdi,  har  bittasida  yer  uchastkasining  bahosi  bir  xil.  Korxona  qurish  uchun 
quyidagi joylarning qay birini tanlagan ma’qul? 
a) Milford – Xeyven; 
b) Dondi; 
v) Sautgempton; 
g) Liverpul; 
d) Glazgo. 
Deyarli  barcha  rivojlanayotgan  va  rivojlangan  mamlakatlarda  ekologik 
ma’lumotlar  bilan  o‘quvchilarni  tanishtirish  geografiya  dasturlarida  yetarlicha 
o‘rinni egallagan. 
Germaniya  maktablarida  geografiya  bo‘yicha  yagona  dastur  yo‘q.  Har  bir 
o‘lka  o‘z  dastur  va  darsliklariga  ega.  Germaniyada  turli  maktablar  mavjud 
boshlang‘ich  asosiy  (5-10  sinflar)  va  gimnaziya  (11-13).  Birinchi  guruh  maktab 
barcha uchun majburiy hisoblanadi. O‘quvchilar 10 – sinfni tugatganlaridan keyin, 
xohlovchilar  yoki  gimnaziya,  yoki  hunar-texnika  maktablariga  oliy  o‘quv  yurtiga 
kirish uchun tayyorgarlik ko‘radilar. 
Gimnaziya  maktablarida,  dastlabki  geografik  bilimlar  bilan  tanishish  3-4 
sinfdan  boshlanadi.  Chunki  bu  sinflar  Vatanshunoslik  fani  o‘rganiladi.  Bundan 
tashqari  geografik  bilimlar  qisman  biologiya  va  tarix  fanlari  orqali  ham  beriladi. 
Germaniya  maktablarida  geografiya  fan  sifatida  boshlab  o‘rganiladi.  Bu  sinfda 
asosan, o‘lka geografiyasi o‘qitiladi. Vatanga oid bo‘lgan bilimlar to 8 – sinfgacha 
beriladi.  5-8  sinflarda  geografiyaga  haftada  2  soat  vaqt  ajratiladi.  Bu  sinflarda 
Yevropa  va  Yevropadan  tashqari  mamlakatlar  geografiyasi  o‘rganiladi. 
Topografiya va kartagrafiya asoslari bo‘yicha ham bilimlar beriladi. O‘qituvchilar 
diqqatiga  bir  necha  variantdagi  darsliklar  tavsiya  etiladi.  Bular  quyidagi 
ko‘rinishlarda  aks  etadi.  «Mamlakatlar  va  xalqlar»,  «Yer  va  inson»,  «Yangi 
geografiya»,  «Yer  bilimi»  va  hokazo.  9-10  sinflarda  geografiya  mustaqil  fan 
sifatida o‘rganilmaydi, desa ham bo‘ladi. Ayrim yerlardagi qiziquvchi o‘quvchilar 
bilan  Yevropa  va  Germaniya  geografiyasi  chuqur  o‘rganiladi.  Bu  kurslarda 
mamlakatlar  iqtisodiy,  siyosiy  va  davlat  tizimiga  oid  bilimlar  yetakchi  o‘rinni 
egallaydi.  Keyingi  paytlarda  geografiya,  tarix,  sotsialogiya,  iqtisod  bilimlari 
birgalikda birlashgan kurslar orqali o‘qitishga e’tibor kuchaymoqda. Gimnaziyada 
(11-13  sinflar)  ayrim  joylardagina  geografiya  qisman,  mustaqil  fan  sifatida 
o‘qitiladi.  Ba’zi  geografik  bilimlar  birlashgan  kurslar  turkumidagi  fanlarda  ham 
beriladi. Yuqori sinflarda geografiya kompleks muammolarni o‘rganishga ko‘proq 

---

86 
 
e’tibor 
beriladi. 
Masalan: 
«Insonniyatning 
ko‘payishi», 
«Ocharchilik 
muammolari»,  «Transport  muammosi»,  «Sanoat  markazlarida  inson  hayoti», 
«Sanoat ekonomiyasi» va h.k. 
Darslarda  o‘quvchilarga  beriladigan  topshiriqlar  ham  birmuncha  murakkab, 
dasturda  o‘quvchilar  bajarilishi  lozim  bo‘lgan  topshiriqlar  tizimi  keltirilgan 
masalan: 
1. Karta va o‘quvchidan olingan bilimlar asosida u yoki bu hududda qanday 
ishlab chiqarishni joylashtirish mumkin?  
2.  U  yoki  bu  hududning  (so‘rovnoma,  kuzatish,  statistik  materiallar  va 
geografik  adabiyotlar  bilan  ishlash  metodlari  orqali)  tabiatni  qo‘riqlash,  tabiiy 
resurslardan foydalanishdagi muammolarni va kelajakdagi ahvolini yoriting.  
Fransiya  maktablarida  geografiya  ta’limi  birmuncha  yaxshi  yo‘lga 
qo‘yilgan. Geografiya o‘qitishdan maqsad va vazifalari juda aniq belgilab berilgan 
bo‘lib, 
unda 
maktab 
geografiyasi 
o‘quvchilarda  quyidagi  xislatlarni 
shakllantirishni  o‘z  oldiga  vazifa  qilib  qo‘ygan:  geografiya  tili  bilan  tanishish, 
kuzatish,  tahlil  qilish,  umumlashtirish  tanqidiy  qarash,  taqqoslash,  aloqalarni 
o‘rgatish,  axborotlarga  nisbatan  faol  qarash,  insonga  nisbatan  mehr,  fikrlash  va 
faoliyatda mustaqil bo‘lish kabi ko‘nikmalarni hosil qilish va h.k. 
Fransiyada  geografiya  dasturi  2  bosqichli  maktablarga  mo‘ljallangan, 
shunisi qiziqki, Fransiyada sinflar teskari hisob bilan yuritiladi. 
1 – bosqich: maktab 6,5,4,3, (o‘quvchilar yoshi 11-14 gacha), oliy ma’lumot 
olishga tayyorgarlik faqat litseylarda amalga oshiriladi. 
2 – bosqich: 2 – 1 va bitiruvchi (15-17 yosh) sinflardan iborat. 
Geografiya ta’limi 6 – sinfdan boshlanadi, bunda «Umumiy geografiya» va 
Afrika materigi o‘rganiladi, 5 – sinfda Amerika, Osiyo, Avstraliya, Antraktida, 4 – 
sinfda Yevropa (Fransiyadan tashqari), 3 – sinfda Fransiya geografiyasi o‘qitiladi. 
Litseyda o‘qishni davom etirish 2-1 va bitiruvchi sinflarda to‘g‘ri keladi. 
2 – sinfda geografiya dasturi (6,5,4,3,) sinflarda olgan bilim va ko‘nikmalar 
bilan  chuqurlashtiriladi.  Asosiy  maqsad  o‘quvchilarni  hujjatlar  va  birinchi 
manbalar  bilan  ishlashga  o‘rgatishdan  iborat.  Litseyning  birinchi  sinfida  Fransiya 
geografiyasi  bo‘yicha  o‘quvchilar  2  –  bosqich  maktabda  olgan  bilimlari 
mustahkamlanadi  va  chuqurlashtiriladi.  Bitiruvchi  sinflarda  to‘rtta  yirik  davlat  – 
AQSh,  Rossiya,  Xitoy,  Yaponiya  geografiyasi  chuqur  o‘rganiladi.  Fransiya 
maktablarida  tabiiy  va  iqtisodiy  geografiya  bilimlari  deyarli  bir  xil  beriladi. 
Iqtisodiy geografiya bilimlari ichida ayniqsa, aholi geografiyasiga oid ma’lumotlar 
atroflicha  o‘rganiladi,  yoki  birlamchi  (xom-ashyo),  ikkilamchi  (qayta  ishlovchi), 
uchlamchi  (maishiy  xizmat)  tarzida  ham  o‘rganishni  kuzatish  mumkin. 
Rivojlanayotgan  mamlakatlar  geografiyasi  o‘rganilganda,  Yevropaliklarning  bu 
mamlakatlar  uchun  ko‘rsatgan  g‘amxo‘rliklari  bo‘rttirib  ko‘rsatilgan.  Masalan, 

---

87 
 
Fransuzlar  o‘z  mustamlakalariga  mustaqillik  bergach,  ularning  madaniyati, 
tabiatini  yaxshilash,  tabiiy  boyliklarini  o‘zlashtirishlariga,  yangi  yo‘llar  qurib 
berganliklariga o‘quvchilar e’tiborini alohida qaratadilar. 
Fransiya geografiyasi darsliklarining ustun tomoni shundaki, ular muammoli 
qilib  yozilgan  bo‘lib,  barcha  muammolar  «Inson  va  tabiat»  mazmunidan  kelib 
chiqadigan matnlardan iborat.  
Finlyandiya maktablarida ham geografiya ta’limi o‘ziga xos xususiyatga ega 
bo‘lib,  geografiya  o‘qitilishi  rivojlangan  mamlakatlar  ichida  bir  muncha  yuqori 
pog‘onada  turadi  deyishga  asos  bor.  Mamlakatda  ta’lim  2  –  bosqichdan  iborat: 
Birinchi  bosqich  9  yillik  majburiy  umumta’lim  xalq  maktabi,  ikkinchi  bosqich 
gimnaziyalardan iborat. 
Birinchi  bosqich  maktabida  geografiya  ta’limi  3-sinfdan  boshlanadi  va 
to‘qqizinchi sinfda. 3-4 sinflarda o‘z mamlakati va qo‘shni shimoliy davlatlarning 
tabiati  va  xo‘jaligiga  oid  ma’lumotlar  haqida  axborot  beriladi.  3  –  sinfda 
o‘lkashunoslik asosida dars o‘tish ustun turadi. O‘zi yashab turgan joyning kartasi: 
Ob  –  havo  va  iqlimi,  birgalikda  ishlangan  relyef  kartalarini  namoyish  qiladi,  3  – 
sinfdagi  geografiya,  4  –  sinfda  ham  davom  qiladi  va  o‘qish  metodlari  bo‘yicha 
deyarli farq qilmaydi. 5 – sinfda Yevropa mamlakatlari tabiati, aholisi, madaniyati, 
urf-odatlari, an’analari, dini, aholisining xo‘jalik faoliyati bilan tanishadilar. 6-7-8 
sinflarda  Osiyo,  Afrika,  Avstraliya  va  Okeaniya,  Amerika  o‘rganiladi.  8  –  sinf 
yakunida  umumiy  geografiya  asoslari  bo‘yicha  bilimlar  beriladi.  9  –  sinfda 
Finlyandiya  va  Shimoliy  mamlakatlar  geografiyasi  quyidagi  reja  asosida 
o‘quvchilarga havola etiladi: 
1  –  tabiati,  2  –  iqtisodiy,  3  –  aholisi,  4  –  tabiiy  resurslardan  oqilona 
foydalanish  va  tabiatini  qo‘riqlash,  5  –  davlat  tuzumi.  2  bosqich  ta’lim 
gimnaziyalarda o‘qish 3 yil bo‘lib, tabiiy va iqtisodiy geografiya bir-biridan keskin 
ajralmagan holda o‘rganiladi. Gimnaziya dasturlari ko‘proq nazariy bilimlar berish 
bilan ajralib turadi. Bunda geografiya fanining hozirgi davridagi taraqqiyoti uning 
boshqa fanlar bilan munosabati, geografiyaning o‘quvchilar aqliy faoliyatini ochib 
berishdagi ahamiyatiga ko‘proq e’tibor beriladi. Masalan: 
1.  Yer  shari  harakatdagi  tizimdir.  Tabiatdagi  barcha  narsalar  bir-biri  bilan 
bog‘liq, inson harakatdagi tizimning bir qismi, ekanligi tarzidagi bilimlar ko‘proq 
beriladi. 
2.  Inson  va  uni  o‘rab  turgan  muhit  insonning  muhitga,  muhitning  insonga 
ta’siri  ostida  o‘rganiladi.  Gimnaziyaning  birinchi  yilida  geografiya  majburiy  fan 
sifatida o‘rganiladi. Boshqa fanlarda esa o‘quvchilar xohishiga ko‘ra maxsus kurs 
sifatida o‘rganish mumkin. Finlyandiyada o‘quv rejalari tez-tez almashib turadi. 
Vengriya maktablarida geografiya ta’limi 7 yil davom qiladi: 4 yil asosiy (5 
–  8  sinf)  va  3  yil  (9  –  10  –  11  gimnaziyada)  darslar  haftada  2  soat.  Geografiya 

---

88 
 
ta’limi jarayonida 65% vaqt yangi mavzuni bayon qilishga, 3% ekskursiyaga, 29% 
amaliy mashg‘ulotlar, umumlashtiruvchi takrorlashga ajratiladi. 
Rivojlanayotgan mamlakatlarda keyingi yillarda xalq ta’limiga katta e’tibor 
berilmoqda.  Masalan,  Osiyoning  ko‘pgina  mamlakatlarida  1985-yilgacha  xalq 
ta’limi uchun ajratilgan mablag‘lar 20 barobardan ortiq o‘sdi. Ayniqsa, Malayziya, 
Saudiya  Arabistoni,  Iordaniya,  Singapur,  Janubiy  Koreya,  Tailand,  Suriya, 
Hindiston,  Pokiston  kabi  mamlakatlarda  xalq  ta’limi  rivojlanishi  ancha  yuqori 
bo‘ldi.  Osiyodagi  ko‘pchilik  mamlakatlarda  bolalar  5  –  7  yoshdan  boshlab 
maktabga  bora  boshlaydilar.  Bangladesh,  Birma,  Livan,  Pokiston,  Shri–Lankada 
maktabga  5–yoshdan  boradilar.  Osiyodagi  ko‘pchilik  mamlakatlarda  majburiy 
ta’lim 5 yildan 10 yilgacha, o‘rta maktabda o‘qishni davom ettirish esa 4 yildan 8 
yilgacha.  
Geografiya  o‘quv  dasturlari  ko‘pchilik  davlatlarda  bir  xil  bo‘lib, 
mamlakatning  tabiiy  va  iqtisodiy  geografiyasini  o‘rganishga  bag‘ishlangan. 
Ko‘pchilik mamlakatlar mustamlaka bo‘lgan davrlarda o‘z geografiyasiga nisbatan 
ko‘proq  mustamlakachi  davlat  geografiyasini  o‘rganar  edilar.  Hozirgi  kunda 
ko‘pchilik  mamlakatlarda  mustamlakachilik  an’analari  o‘qitish  mazmuni  va 
metodlari saqlanib qolgan. Keyingi paytlarda rivojlanayotgan mamlakatlarda o‘quv 
dasturlari,  geografiya  dasturlari  mamlakat  xo‘jaligi  ehtiyojlarini  e’tiborga  olgan 
holda tuziladi va yaratiladi. 
Xulosa  qilib  shuni  aytish  mumkinki,  xorijiy  davlatlar  geografiya  ta’limida 
o‘qitishda eng ko‘p qo‘llaniladigan metodlar quyidagilar hisoblanadi: 
Evristik metod – bunda e’tibor o‘quvchilarni ko‘proq mustaqil bilim olishga, 
kichik  tadqiqotlar  qilishga  o‘rgatishdan  iborat.  Kartinalar,  turli  xil  hujjatlar, 
vositalar  asosida  muammoli  Blis  so‘rov  o‘quvchilar  diqqatiga  havola  etiladi.  Bir-
biriga  bog‘langan  Blis  so‘rov  asosida  evristik  suhbatlar  o‘tkazish  keng  tarqalgan. 
Ishlab  chiqarish  jarayonini,  ekologik  suhbatlar  o‘tkazish  keng  tarqalgan.  Ishlab 
chiqarish jarayonini, ekologik muammolari turli o‘yinlar asosida o‘rganish. Bunda 
o‘quvchilar  o‘zlarini  turli  kompaniyalar  prezidenti,  biznesmenlar  o‘rniga  qo‘yib 
«ish»  bajaradilar.  Bunday  metod  ko‘proq  AQSh,  Buyuk  Britaniya,  Yangi 
Zelandiya,  G‘arbiy  Yevropa  mamlakatlarida  keng  tarqalgan.  Tarqatma 
kartochkalar  metodida  turli  chizgi  jadvallar,  kartalar  o‘qituvchilar  diqqatiga 
turlicha xatoliklarga yo‘l  qo‘yib  tuziladi  va  tarqatiladi,  o‘quvchilar  yo‘l  qo‘yilgan 
o‘sha  xatoliklarni  mustaqil  topishlari  talab  qilinadi.  Turli  xil  misol  va  masalalar 
yechish ham o‘quvchilarning darsga bo‘lgan qiziqishlarini oshirishi tufayli ulardan 
keng qo‘llaniladi. 
O‘quvchilarda  ishbilarmonlik,  uddaburonlik  xislatlarini  shakllantirish 
ko‘proq misol va masalalarni yechmasdan amalga oshmaydi. 

---

89 
 
Matnlar, ya’ni javoblar to‘g‘ri – noto‘g‘ri tarzda aralashtirib berilishi ulardan 
to‘g‘rilarini  raqamlar  bilan  belgilab  ajratish  keng  tarqalgan  metodlardan 
hisoblanadi. 
Statistik  manbalar  bilan  ishlash.  Kartagrafik  qo‘llanmalardan  foydalanish, 
matematik modullashtirish keng tarqalgan o‘qitish metodlari hisoblanadi. Ayniqsa, 
hozirgi  kunda  diskussiya,  rivojlangan  mamlakatlar  geografiya  ta’limida  keng 
tarqalgan.