Aбдуллaeвa ш. A., РЎзиeвa д. И. Пeдaгoгик диaгнoстикa вa кoррeкция

 
Маърифат- арабча: «арафа»- «билмоқ» сўзидан олинган бўлиб, таълим-тарбия, 
иқтисодий, сиёсий,диний ғоялар мажмуи асосида инсонларнинг онгини, билимини, 
маданиятини, дунёқарашини ўстиришга қаратилган фаолиятдир.
 
Мафкура- арабча: «мафкура» сўзидан олинган бўлиб, жамиятдаги муайян сиёсий, 
ҳуқуқий, ахлоқий, диний, бадиий, фалсафий, илмий қарашлар , фикрлар ва ғоялар 
мажмуидир. 
Миллий мафкура - халқимизнинг маънавий - илмий менталитети, ғоялари асосида 
амалга оширилаётган ишлар, жараёнлардаги тутаётган йўли, давлатга, жамиятга, оламга, 
ўз - ўзига, тараққиётга муносабатлар тизимидан иборатдир. 
Маълумот - таълим - тарбия натижасида олинган ва тизимлаштирилган билим, 
ҳосил қилинган кўникма ва малакалар ҳамда шаклланган дунёқарашлар мажмуидир.
 
Менталитет (лотинча: фикр «менс»-ақл, идрок) – жамият, жамоа ёки алоҳида 
шахснинг тарихий таркиб топган тафаккур даражаси, маънавий салоҳияти, уларнинг ҳаёт 
қонунларини таҳлил этиш кучи, муайян ижтимоий шароитларда шаклланган ақлий 
қобилияти, руҳий қуввати. “Менталитет” сўзи лотинчадан таржима қилинганда “ақл, зеҳн, 
идрок, фаҳм” маъноларини билдиради. Хар бир миллатнинг ақли, идроки, фахм-фаросати 
унинг яшаб туган шарт-шароитлари, тарихи, қандай халқлар қуршовида истиқомат 
қилиши, ижтимоий фаоллиги ва қатор бошқа омиллар билан боғлиқдир.
 
Метод (лотинча: «методос»-йўл, услуб)-Илмий тушунча сифатида «метод» сўзи 
кенг маънода: муайян мақсадга эришиш йўлини, тор маънода табиат ва ижтимоий ҳаёт 
ҳодисалари ҳамда қонуниятларини билиш мақсадида қандайдир вазифани ҳал этиш 
услубини билдиради. 
Объектив дунёни билиш, назарияда нимани ўрганиш ва ўргатиш керак, кимни ва 
қандай тарбиялаш лозим деган масалалар мавжуд бўлиб, улар ўзаро узвий боғлиқдир. 
Ҳар қандай 
фан фан сифатида ўзининг илмий тадқиқот методларига эга. Бу 
методлари орқали ўз мазмунини бойитиб, янгилаб боради.
Педагогиканинг илмий тадқиқот методлари қанчалик тўгри танланса таълим-
тарбия мазмунини янгилаш ва такомиллаштириш шу даражада яхшиланади, педагогика 
фани ҳам бойиб боради. 

---

360