Абдуллаева дилдорахон зумратбековна мумтоз адабий асарлар таркибидаги “масал”лар генезиси, типологияси, функционал таҳлили

Тадқиқотнинг амалий натижалари қуйидагилардан иборат:
мумтоз адабий асарлар таркибидаги масал генезисининг ўрганилганлиги бўйича олинган .................................................. асосида жанр эволюцияси ва тарихига оид назарий қарашларни мукаммаллаштирган;
жанр характеридаги ва турли адабий шакллардаги структур тузилиш, образлар тизими, ғоявий, мазмуний жиҳатдан қиёслаш бўйича монография яратилган;
ўзбек мумтоз адабиётидаги дидактик-аллегорик асарлар типологияси бўйича олиб борилган текширишлар натижасида ўзбек адабиёти тарихида масалнинг .............................................. ўрни аниқланган;
масал ва масал характеридаги асарларнинг амалга оширилган қиёсий таҳлили олий таълим ўқув жараёнларида қўлланиши учун назарий материаллар базаси шаклллантирган;
ўқув қўлланма, монографиялар яратиш, мумтоз адабиёт соҳаси бўйича тавсиялар ва кўрсатмалар ишлаб чиқиш, олинажак натижа илм-фаннинг муҳим соҳаси бўлган ўзбек масалшунослиги тараққиёти тадрижини белгилаган.
Тадқиқот натижаларининг ишончлилиги илмий муаммонинг аниқ белгилаб олингани, тадқиқотда ўзбек ва жаҳон халқлари адабиётига оид эътироф этилган асарлар манба қилиб олингани, масал жанри ва унинг функционал хусусиятлари тадқиқ этилган фундаментал назарий тадқиқотларга таянилгани, тадқиқотдаги хулоса ва умумлашмаларга объектни ижодий-генетик, қиёсий-типологик, тарихий-қиёсий, тарихий-маданий, функционал, герменевтик методлар асосида атрофлича таҳлил қилиш орқали олингани билан асосланади.
Тадқиқот натижаларининг илмий ва амалий аҳамияти. Тадқиқот натижаларининг илмий аҳамияти олинган илмий хулосалар ва муҳим назарий умумлашмалардан олий таълим муассасаларининг филология факультет-ларида ўзбек адабиёти тарихи, адабиёт назарияси, жаҳон адабиёти, янги ўзбек адабиёти фанларидан дарслик ва ўқув қўлланмаларни яратишда фойдаланиш мумкинлиги билан изоҳланади.
Тадқиқот натижаларининг амалий аҳамияти тадқиқот натижаларидан ўзбек адабиёти тарихи, адабиёт назарияси, жаҳон адабиёти, янги ўзбек адабиёти фанларидан бўйича маърузалар ўқиш, амалий ва семинар машғулотлар, махсус курслар ўтишда ҳамда ўзбек адабиёти тарихида масал ва масал типидаги асарларнинг шаклий ва мазмуний тараққиёт тадрижини ўрганиш, мумтоз адабий асарлар таркибидаги масалларнинг композицион-структур тузилиши, “масал” атамасининг кенг ва тор маъноси, адабий атамалар тарихи ва тадрижи каби масалаларга бағишланган амалий машғулотларда қўлланма сифатида фойдаланиш мумкинлиги билан изоҳланади.