Abdulla qodiriy nomidagi jizzax davlat pedagogika instituti maktabgacha ta

O‘yin nihoyasiga etgach, muhokama qilinadi. Muhokama uchun quyidagi savollar tavsiya etiladi:
1.Bolalar ushbu o‘yinda o‘zingizni qanday his qildingiz?
2.Nimadan xursand bo‘ldingiz?
3.Mashq davomida qiynalmadingizmi? Nima uchun?
4.Kimning hatti-harakati sizni hayron qoldirdi?
5.Inson ko‘zi yumilgan holda harakat qilishi qulay ekanmi?
6.Etibor berganmisiz, atrofimizda ko‘zi doimo yoki qisman yumuq odamlar bormi?
7.Ularning ana shunday holatga tushishlarining sabablarini bilasizmi?
8.Siz ana shunday holatga tushib qolmasligingiz uchun nimalarga etibor berishingiz kerak deb o‘ylaysiz?
Muhokama vaqtida ko‘zini umuman yummagan yoki qisman yumgan, ko‘zini tezda ochib yuborgan bolalarga alohida savollar berilib, ularning ichki his-tuyg‘ulari sinaladi. Shartni nega bajarmaganligi emas, balki bajarishga to‘sqinlik qilgan omillar haqida so‘raladi. Ular turli sabablarni ko‘rsatishlari mumkin, lekin tarbiyachi ko‘zlarini yumishini hohlamaganliklariga sabab bo‘lgan: yorug‘da ko‘zini yumsa ham ochilib ketavergani, biror narsaga urilib qolishdan cho‘chigani haqidagi fikrlarga olib keladigan savollar bilan murojaat qilishi lozim.
“CHip-chip” o‘yinining maqsadi- bolalarni ko‘zi xira ko‘radigan yoki umuman ko‘ra olmaydigan insonlar o‘rnida his etishini amalda kuzatishdan iborat. Maqsad ularning nimalarni his qilishlarini taxminan bilishsa ham, buni o‘z “tanalarida” sinab ko‘rish. Bu bilan nafaqat imkoniyatlari cheklangan insonlarga nisbatan rahm-shafqat, mehribonlik, balki o‘zida mavjud bo‘lgan tana azolarini asrash, g‘amxo‘rlik qilish, salomatlikning qadriga etishga undash nazarda tutiladi. Bundan tashqari, onaga., jigargo‘shalariga munosabat haqida ham fikr yuritish imkonini beradi. Bular esa, o‘z navbatida, bolalar ma’naviyatining shakllanishida katta ahamiyat kasb etadi.
SHu bilan mashg‘ulot yakunlanadi.