Abdulla qodiriy nomidagi jizzax davlat pedagogika instituti maktabgacha ta

Maktabga tayyorlov guruxlar uchun
Mavzu: «Daraxtlar nimalar haqida so‘zlaydilar».
Mashg‘ulotning maqsadi: Bolalarni daraxtlarning mevali va manzarali turlarga bo‘linishi, nomi, qaerlarda o‘sishi, ularni qanday parvarish qilish lozimligi, daraxtlarning yaxshi va yomon tomonlari haqidagi ma’lumotlarni kengaytirish asosida bolalarning ona-tabiatga bo‘lgan muhabbatlarini yanada oshirish, daraxtlarni asrab avaylashga o‘rgatish.
Mashg‘ulot maktabgacha ta’lim muassasasi hovlisida o‘tkaziladi.
Tarbiyachi: Bolalar daraxt deganda siz nimani tushunasiz? Bolalar javoblari:
Qanday daraxtlarni bilasiz? Bolalar javoblari:
Daraxtlar nima uchun mevali yoki manzarali deyiladi? Bolalar javoblari:
Daraxtlarning qanday yaxshi va yomon tomonlari bor?
Bolalar javoblari tinglanadi:
Tarbiyachi to‘ldiradi: Daraxtning yaxshi tomonlari: Mevali daraxtlar meva beradi . Manzarali daraxtlar soya beradi.Undan har xil narsalar narsalar masalan, stol, stul, divan, xontaxta, eshik, deraza va boshqa narsalar yasash mumkin. Sanoq cho‘plar ham yasash mumkin. Idishlar yasash mumkin. Uylarning tepasiga qo‘yish mumkin. O‘tin sifatida foydanish mumkin.
Daraxtning yomon tomonlari : Agar chirik bo‘lsa sinib ketadi. Atrofni iflos qilishi mumkin. Ehtiyotsizlik qilinsa biron joyimizga kirib ketishi mumkin. Ustimizga qulab tushsa bosib qolishi mumkin.
Tarbiyachi: Bolalar! Sizlar daraxtlarning suhbatini eshitganmisiz? Bolalar javoblari:
Men bugungi mashg‘ulotimizda sizlarga daraxtlarni qanday gapirganligini hikoya qilib bermoqchiman.
Bir kuni men bog‘chamizga hammadan barvaqtroq keldim. Mana shu bog‘ni atrofidan o‘ta boshladim. Shu payt kimningdir ovozini eshitdim. Qarasam, o‘rik daraxti yum-yum yig‘lab, o‘z ahvolini menga shunday so‘zlab berdi.
- Opajon, menga qaramaysiz ham. Kecha bolalar mening shoxlarimni sindirib, xali pishib etilmagan mevalarimni (dovuchcha) uzib, tanamga ko‘p ozor etkazdilar,- deb qoldi. Qarasam, haqiqatdan ham o‘rikning shoxlari singan ekan. Unga juda rahmim keldi. O‘rik daraxtining yoniga borib, singan shoxini sekingina bog‘lab qo‘ydim. Shu payt uning atrofidagi barcha daraxtlar gapirib ketsa bo‘ladimi?! Ular yomon bolalar dastidan shikoyat qilishdi.
Tarbiyachi bolalarni shoxi bog‘langan, o‘sha yig‘layotgan o‘rik daraxti yonida o‘tkazdi. Bolalar shoxlari sindirilgan, barglari va mevalari yulingan o‘rik daraxtiga o‘zlarining munosabatlarini bildirdilar.