Abbatisa – ayollar katolik monastirlarining boshqaruvchilari. Abbatlik

Uchar gollandlar – buyuk geografik kashfiyotlar davrida paydo boʻlgan arvoh kema haqidagi afsona. Afsonada asosan, dengizda kemalarga hujum qilib, qaroqchilik bilan shugʻullanuvchi marhumlar kemasi haqidagi turli xil rivoyatlar oʻrin olgan.
Uchinchi tabaqa – XV asrda Fransiyada paydo boʻlgan atama boʻlib, soliq toʻlovchi barcha aholini anglatgan. U.T. vakillari General shtatlarda alohida palatani tashkil qilgan. Ular asosan, hunarmandlar, dehqonlar, savdogarlar, ishchilar va burjua vakillaridan iborat boʻlgan.

~ V ~

Vagantlar (lot. vagantes – sayyor odamlar) – oʻrta asr “daydi” shoirlari. Ular orasidan shkolyarlar va tanqidchilar (klirik) orasidan yetishib chiqqan. Keyinroq V.-talabalar toifasi shakllanib, ular tomonidan xatto yangi zamon davrida talabalar madhiyasi ham yaratilgan.
Vagenburg (nem. wagen – arava va burg – qasr, qal’a) – qadimda (gallar, germanlar, xunnlar) va oʻrta asrlarda (salibchilar, guschilar) harbiy maqsaddagi qurilma boʻlib, hujumlarni oldini olish va toʻxtatish uchun aravalardan qurilgan. Qoʻshin harbiy yurish paytida himoyalanish uchun foydalangan. Aravalarda qurollar ham tashilgan. Hujum vaqtida toʻrtburchak, aylana va yarim doira shaklda qurilgan. Uning ichida esa odamlar va otlar boʻlgan. Bunday usuldan ayniqsa guschilar Yan Jijka boshchiligida koʻp qoʻllagan. Oʻq otar qurollarning paydo boʻlishi natijasida ular oʻzining ahamiyatini yoʻqotgan.
Valdenslar – XII asr oxirlarida Fransiya janubida shakllangan daxriylik harakati a’zolari. Ular oʻz nomlarini savdogar Pyotr Valda nomidan olishgan. U 1170-yillarda oʻz boyliklaridan voz kechadi va qashshoqlikda yashay boshlab, birinchi birodarlikka asos soladi. Birodarlik juda tez kengayib, yirik harakatga aylanadi. Unga papalar Aleksandr III va Lyusiy III lar qarshilik qilib, uni taqiqlashadi. Harakat dehqon va hunarmandlar orasida keng tarqalgan. Ular oʻz cherkovlarini tashkil qilishib, unga oʻzlari yepiskop saylashadi. Ularning keyingi taraqqiyotiga albigoychilarga qarshi 1209-1229-yillarda uyushtirilgan salib yurishlari salbiy ta’sir koʻrsatgan. Keyinroq harakat Germaniya, Italiya va Chexiyada ham yoyiladi. Italiya va Shveytsariyada harakat biroz cheklangan shakldagi qarashlari bilan tarqalgan.
Valkiriya (qad.skand. vakyrja –tanlab olib oʻldirish) – Skandinaviyada oliy xudo Odinning buyrugʻiga koʻra jang qilgan jangchilar yoki ilohiy qahramonlar.