Abadiy quyosh botishi

2-BOB 
KUTISH
 
 
 
Tamom...  Shu  ibtidoning  intiqosi....  Tinchlikning  oxiri,  bo'ron  oldidagi 
tinchlik. Mening ichimdagi muammolarni jalb qiladigan magnitning kuchi eng yuqori 
darajaga yetganga o'xshaydi. Endi xavf nafaqat menga, balki butun vampir oilasiga 
tahdid  solmoqda.  Bu  taqdirning  yomon  qismatiga  o'xshaydi  va  bundan  ham 
yomonroq bo'lishi mumkinmidi? Oradan kunlar o'ta boshladi. Mening xayolim tuman 
ichra  adashib  yurardi.  Men  atrofdagilarni  sezmasdim.  Bitta  fikr  miyamga  bolg'a 
singari urilib ketdi: "Hammasi men tufayli". 
Edvard har tomonlama  menga dalda berishga harakat qildi, men esa o’zimni 
tinchlantirishga muttasil urinardim. Qoq tun yarmida Renesmi to’shagida shirin uxlab 
yotardi, Edvard ikkimiz esa yonayotgan kamin (G’arb mamlakatlaridagi xona ichida 
joylashgan o’choq) yoniga o'tirib, olovga tikilgancha bir nimalarni o’ylardik. 
-  Xavotir  olma,  hammasi  yaxshi  bo'ladi.  Edvard  qo'lini  sovuq  yonog’imga 
qo’ydi. 
- Bilaman. Men bunga umid qilaman.  
Meni  diqqat  bilan  tingla:  –  Men  Karlaylning  ichki  hissiyotlariga  ishonaman. 
Bu  Aroning  hiyla-nayranglaridan  biri  ekanligiga  ham  aminman.  U  har  qanday  yo'l 
bilan  bo’lsa  ham  bizni  yo'q  qilishga  urinadi.  Ammo  biz  kuchliroqmiz.  Bella,  biz 
kuchliroqmiz.  Agar  biz  ushbu  Bagirraga  qarshi  kurashishimiz  kerak  bo'lsa,  unda 
omad ham biz tomonda bo'lishiga ishonchim komil. Bundan tashqari, men Ellisning 
qobiliyatlariga ishonaman, qolaversa u ushbu maxluqning yomon niyatda ekanligini 
ham aytgani yo’q. Menga ishon, yaxshi bo'ladi. –  Shu so’zlaridan so’ng u marmar 
lablarini lablarimga bosdi va meni qattiq, ehtiros bilan o'pdi. Men uning quchog'ida 
eriy boshlaganimni his qildim – aytishim mumkin bo'lgan yagona narsa men senga 
ishonaman,  Edvard.  Bu  ayni  haqiqat.  –  Va  keyin  uning  qo'lida  batamom  mumday 
yumshab, ekinlikni his qildim. 

---

@Sumerki_Twilight_Zulmat_ostonasi  // Abduqodir Toshpo’latov 
 
Soxtalashtirib o’z nomidan tarqatish ta’qiqlanadi. Qonuniy jazo muqarrar va Allohning o’zi 
kifoya qilsin! 
Kunlar shamolday  o’ta boshladi. Karlayl,  Emmet  va Jasper  mudofaa  rejasini 
tayyorlashardi. Ular, hatto, har kuni jangning eng kichik tafsilotlarigacha muhokama 
qilib, tinmay mashq qilar edilar. Jeykob va to’dasi ham mislsiz jangda qatnashishga 
qaror qilishdi. Ular, har doimgidek, bizning oilamiz xavf ostida bo'lgan paytda chetda 
tura  olishmadi.  Oqibatda  esa,  bo'rilar  bilan  vampirlar  yanada  inoqlashib, 
do'stlashdilar, ya’ni eng yomon dushmanlar  eng yaxshi do'stlarga aylangandi. Endi 
bizning  taqdirlarimiz  chambarchas  bog’liq  bo’lib  qolgandi.  Jeykob  va  Renesmi 
rishtalari esa bizning oila va bo'rilar to’dasini yanada yakdillashtirardi. 
Ellis  har  kuni  birov  halal  bermasligi  uchun  uydan  tashqarida  vaqt  o'tkazar, 
dushmanni ko'rishga harakat qilar edi.  Lekin uning sa'y-harakatlari muvaffaqiyatga 
erishmadi. 
Hayotning xotirjam va baxtli damlari qaytarilmas darajada yo'qoldi. Bir paytlar 
chiroyli  va  sokin  bo’lgan  Kallenlar  uyi  endi  harbiy  shtabga  o'xshardi.  Esmening 
boshidan kechirayotganlarini ko'rib turardim. U oilasi uchun qo'rqardi. Men boshqa 
hech kimdan uningdek xavotir ko’rmadim. Agar urush bo'lsa, unda u kimdirga ziyon 
yetishini  bilar  edi.  Rozali  ham  bu  og'riqni  his  qildi  va  chinakam  mehribon  onasini 
tinchlantirish uchun har tomonlama harakat qildi. 
Belgilangan kunga ikki hafta qoldi. Biz Volturilarning kEllishini umid va hadik 
bilan kutardik. Kimdan ko'proq qo'rqish kerakligi ham noma'lum edi: barcha vampir 
avlodlarini  yo'q  qilishni  istagan,  boshqarib  bo'lmaydigan  monstermi  yoki  bizning 
qonxo’r “do’st”larimiz? 
Ammo  Ellisning  so'zlari  hamma  narsani  bir  zumda  o'zgartirib  yubordi:  "U 
allaqachon shu yerda…" 
Hamma  uning  nimani  nazarda  tutayotganini  ortiqcha  izohlarsiz  darrov 
tushundi. 
 
 
 
 
 
 
 
 
 
 
 
 
 

---

@Sumerki_Twilight_Zulmat_ostonasi  // Abduqodir Toshpo’latov 
 
Soxtalashtirib o’z nomidan tarqatish ta’qiqlanadi. Qonuniy jazo muqarrar va Allohning o’zi 
kifoya qilsin!