A. Taniyev innovatsion iqtisodiyot darslik

Tayanch iboralari:

Konglomerati, texnopark, innovatsion salohiyat, biznes- inkubatorga, innovatsion muhit, intellektual resurslar, royalty.

Nazorat savollari:

1. 
   Innovatsion muhitning mohiyati nimada?
   
2. 
   Innovatsion salohiyatni aniqlang, uning qurilish bloklari xususiyatlarini keltiring.
   
3. 
   Milliy innovatsion tizimni belgilang. Uning asosiy bloklarini tavsiflab bering.
   
4. 
   Texnoparkka tavsif bering. U o‘z aholisini qanday asosiy infratuzilma bilan ta’minlaydi?
   
5. 
   Biznes-inkubatorga tavsif bering. Innovatsion kompaniya rivojlanishining qaysi bosqichida u qo‘llab-quvvatlashga tayyor? Biznes-inkubator uchun ishlashning asosiy parametrlarini sanab o‘ting.
   
6. 
   Texnologiyalar uzatish markazlarini (TIM) tavsiflang. TIM ning asosiy maqsadi nimalardan iborat?
   

4. MAVZU. BIZNES G‘OYADAN BIZNES MODELGA.

Reja:

1. 
   Biznes g‘oya va uni yaratish.
   
2. 
   Biznesni modellashtirishning asosiy qoidalari.
   
3. 
   M. Jonson, K. Kristensen, X. Kagermannlarning biznes modellari
   
4. 
   Biznes modelni rasmiylashtirish: A. Ostervalderning yondashuvi.
   
5. 
   Biznes modelni biznes rejaga aylantirish.
   

1. Biznes g‘oya va uni yaratish

Biznesni yaratishda ham, uni rivojlantirishda ham har qanday tadbirkorlik harakatining mohiyati mavjud yoki jalb qilingan, cheklangan resurslar asosida aniq maqsadli auditoriyaning qiymatini yaratish uchun yangi imkoniyatlarni aniqlashdan iborat. Tadbirkorlik va innovatsion biznesni rivojlantirish akti yangi qiymat yoki uni yaratishning yangi usuli to‘g‘risidagi ijodiy g‘oyaga asoslanadi.
Biznes g‘oya ushbu muammoni hal qilish uchun to‘lashga tayyor bo‘lgan ma’lum bir iste’molchining salbiy hissiyotlari darajasida sezilgan mavjud muammoni hal qilishning usulini aks ettirishi kerak. Muammo deganda biz iste’molchilar taxmini va real voqealar o‘rtasidagi farqni tushunamiz. Shu bilan birga sub’ekt ushbu kelishmovchilikni bartaraf etish (yo‘q qilish) zarurligini sezadi. Shubhasiz qiyinchilik bu mos kelmaslikni idrok etishning salbiy oqibatlari vaqt o‘tishi bilan o‘zgarib borishi bilan namoyon bo‘ladigan, idrokning dinamik tabiatida bo‘lgani kabi, shaxslarni idrok etishidagi farqlardadir. Muammolarni hal qilishda to‘lashi uchun yetarli miqdordagi mablag‘i mavjud shaxslar (yoki tashkilotlar) foydali va ularni qabul qilsa bo‘ladigan mazmunli masalalarni aniqlashi muhimdir.
Aniqlangan muammo qanchalik asosli, uni hal qilish usuli sodda va ishonchli bo‘lsa, biznes g‘oya shunchalik samarali (potensial yuqori daromad va darajaga ega) bo‘ladi. Biznes g‘oyani
amalga oshirishning muvaffaqiyat kalitlaridan yana bir guruhi tadbirkorning imkoniyatlari, resurslar va aktivlarning mavjudligidir. Boshqalar uchun mavjud bo‘lmasligi, har xil turdagi xatarlar bilan bog‘liq.

Biznes g‘oyani shakllantirish - bu potensial iste’molchilarning muhim muammolarini ijodiy hal qilish va uning tijorat salohiyatini tizimli ravishda baholash asosida qiymat yaratish g‘oyasini faol shakllantirishning murakkab jarayoni.

1.