A rafiyev, G. Muxamedjanova

2-dars

3- topshiriq. Suhbat matnini o‘qing va davom ettiring.

• 
  Karim, bugun darsdan keyin nima qilmoqchisan?
  
• 
  Bugun darsdan keyin kutubxonaga boraman. O‘zing-chi?
  
• 
  Men kafega boraman. Yur men bilan, birga boraylik.
  

10
– Kafeda nima qilasan? Yaxshisi, birga kutubxonaga bora qolaylik. Ertaga o‘zbek tili darsimiz bor. „Afrosiyob“ haqida ma’lumot yig‘i- shimiz kerak.
– ... .
4- topshiriq. O‘qing va matn asosida berilgan savol va topshiriqlarni bajaring.

Inson qadri bilimda

Insoniyat yaratilibdiki, bilishga, o‘rganishga intiladi. Chunki qiziqish insonlarga xos, aql-idrok va bilim egasi bo‘lgan har qanday inson sharaflidir. Bilim egasi o‘z tilaklariga yetadi, orzu-maqsadlariga erishadi. Bilim egalari elda aziz bo‘ladi. Barcha murakkab ishlarni bilim bilan hal eta oladi.
Bundan tashqari, hozirgi shiddat bilan rivojlanayotgan davrni ilmli va bilimli insonlarsiz tasavvur etib bo‘lmaydi. Ular taraqqiyotning negizi hisoblanadilar. Shunday ekan, ilm olish uchun hamisha izlanish, o‘qish, o‘rganish kerak. Ilm cho‘qqilarini zabt etish yo‘lida charchamaslik lozim. Ko‘p bilish uchun ko‘p o‘qish kerak. Ko‘p o‘qi- gan – ko‘p biladi.

Matn yuzasidan savol va topshiriqlar

1. 
   „Ular taraqqiyotning negizi hisoblanadi“ jumlasini qanday tushunasiz? Izoh bering.
   
2. 
   Qanday inson sharafli hisoblanadi?
   
3. 
   Bilim egalari qanday fazilatlarga ega bo‘lishi lozim?
   
4. 
   Matn mazmunini qayta hikoya qiling.
   

3. 
   mashq. Yuqoridagi matndan foydalanib, nuqtalar o‘rnini to‘ldiring. Shaxsi topilmas gaplarni toping.
   

Insoniyat yaratilibdiki, ... , o‘rganishga intiladi. Chunki qiziqish insonlarga xos, aql-idrok va bilim egasi bo‘lgan har sharaflidir.
Bilim egasi o‘z tilaklariga yetadi, ... ... . Bilim egalari elda aziz ... .
Barcha murakkab ... ... bilan hal eta oladi. Shunday ekan, ilm olish uchun hamisha izlanish, o‘qish, ... ... . Ilm cho‘qqilarini zabt etish yo‘lida ... ... . Ko‘p bilish uchun ko‘p ... ... .
11
4- mashq. Quyida berilgan gaplardan shaxsi ma’lum va shaxsi topil- mas gaplarni topib, ikki ustunga ajratib yozing.

1. 
   Topshiriqni o‘z vaqtida bajaring.
   
2. 
   Vazifani bajarish kerak.
   
3. 
   Yetti o‘lchab, bir kes.
   
4. 
   To‘garakka borish kerak.
   
5. 
   Xonaga kirgan avval salom beradi.
   
6. 
   So‘zimning ustidan chiqaman.
   
7. 
   Majlisda tartib-intizom haqida so‘zlashga to‘g‘ri keldi.
   
8. 
   Ertaga yakuniy test sinovidan o‘tamiz.
   

Uyga vazifa. Ilm-fanga oid qaysi sohalarni bilasiz? Ularning nomini lug‘at tartibida yozib, izohlang.