A rafiyev, G. Muxamedjanova

3-dars

Adabiy o‘qish

4- topshiriq. Matnni o‘qing va berilgan topshiriqlarni bajaring.

Odobli bo‘ling

O‘zingizdan kattalarga yo‘l bering. Ularga avtobus va boshqa joy- larda o‘rin bering. Yoningizdagi kishining biror narsasi yerga tushib ketsa, uni darhol olib bering.
Uyda odamlar oldida taltayib yotmang, stul, divanda yastanib o‘tirmang, qo‘lni orqaga qilib yoki cho‘ntakka tiqib, kekkayib turmang.
79
Xushmuomala bo‘ling. Baqirib, jerkib, qo‘lni paxsa qilib yoki birovni qo‘l bilan ko‘rsatib so‘zlashmang, qo‘rslik qilmang. Har kuni ertalab ota-onangizga, aka, opalaringizga salom bering. O‘zingizdan kattalarni ko‘rganingizda, albatta, salom bering. Kattalarning gapiga aralashmang, kattalar qo‘l uzatsalargina ular bilan qo‘l berib ko‘rishing.
„Marhamat“, „rahmat“, „ruxsat eting“, „iltimos qilaman“, „kechi- rasiz“, „uzr“ kabi so‘zlarning qachon aytilishini bilib oling. Yomon, uyat gaplarni aytmang. Oqsoq, g‘ilay, soqov va boshqa kamchiligi bo‘lgan kishilarni masxara qilmang, boshqalarga laqab qo‘ymang.

Matn yuzasidan savol va topshiriqlar

1. 
   Odobli bo‘lmoq uchun yana nimalar qilish kerakligini so‘zlab bering.
   
2. 
   Jamoat joylarida yoshlarning o‘zlarini tutishlari haqida nima deya olasiz?
   
3. 
   Barkamol inson qanday bo‘lishi kerak?
   
4. 
   Matn asosida o‘z fikringizni bildiring.
   

(Donolar bisotidan)
5- mashq. Gaplarni yozing. Vositali to‘ldiruvchilarni aniqlang va ular-
ning qaysi so‘z turkumida kelayotganini izohlang.

1. 
   Beshdan ikkini ayirish kerak. 2. Nima uchun uzr so‘rash kerak?
   

3. Kecha kelmaganlarga xabar berish kerak. 4. Masalani qalamda yozdi. 5. Chizmani kitobdan daftarga ko‘chirdim. 6. Chaqmoqning yalt-yultidan bola qo‘rqdi. 7. Yaxshiga yondash, yomondan qoch. (Maqol)