A qodiriy nomidagi jizzax davlat pedagogika instituti tarix fakulteti

AVLIYO OYSHA BIBI. Oysha bibi (onaning) ning qabri Xiva shahrining Ichon-qal’asida joylashgan. Bu muxtarama mahalliy o‘zbek oilasida tavallud topgan bo‘lib, yoshligida maktabni bitkazib, savodini chiqargan. U uyida otinoyilik qilib, qizlarni o‘qitgan va savodini chiqargan.

Ma’lumotlarga qaraganda Oysha ona to‘y ma’rakalarda, motam va marosimlarda ayollar o‘rtasida amru-ma’ruf ishlarini amalga oshirib, kasallangan ayollarga tabiblik, xomilador ayollarga doyalik qilgan, xayit bayramlarida ayollarni yig‘ib, ular bilan ro‘za, namoz, islom aqidalari haqida suhbat uyushtirgan. Oysha ona ayollar o‘rtasida “Ulli Pir”, “Mushkulshod” o‘qib berib, o‘zining savodxonligi, tabibligi bilan xalqning e’tiqodini qozongan. Vafotidan keyin o‘zi yashagan maskaniga dafn qilinib, qabri ustida katta peshtoqli gumbaz, masjid, oshxona va taxoratxona qurganlar va Xivalik ayollar bu ayolni qabriga hayr-ehson qilib, befarzandlar – farzand, yosh yalanglar esa yaxshi kishiga turmushga chiqishni iltijo qilishar ekanlar.

XX asrning 30 yillarida Oysha bibining maqbarasi, masjidining bir qismi yiqib olingan va qo‘shimcha xonalar yiqib tashlangan.