A qodiriy nomidagi jizzax davlat pedagogika instituti tarix fakulteti

AVLIYO MUSHKUL KUSHOD. Mushkul Kushod boboning qabri Xiva shahrining Ichan-Qal’asidagi Amir To‘ra madrasalarining qibla tamonida joylashgan bo‘lib, XVIII asrla yashab o‘tgan va shu joyga dafn etilgan. Bu kishi to‘g‘risida to‘liq ma’lumot yo‘q. Lekin xozirda ham ayrim ayollar udumi bo‘yicha “Ulli Pir”, “Mushkul Kushod” o‘qitilgandan keyin bu mo‘‘tabar zot qabriga borib, shuttik (chirog‘) yoqib, qur’on tilovat qilish odati saqlanib qolgan.

AVLIYO MUSHKULOSON. Mushkul oson boboning qabri Xiva Ichan-Qal’a qismining Jo’me masjidining sharqiy qismida joylashgan bo‘lib, bu kishining ham asli ismi ma’lum emas. Mahalliy aholi tomonidan berilgan ma’lumotlarga qaraganda Mushkul oson bobo XVIII asrda Xiva shahrida tavallud topib, shu erda vafot etgan, bu kishi juda karomatli bo‘lib, kishilarni kasallikdan, boshiga tushgan og‘ir musibatlardan, turli duo-jodulardan xalos etgan. SHu bois insonlar bu muhtaram zot qabrini ziyorat qilib, “mushkullarini oson qilishda” undan madad-istoat tilaganlar. Mushkul oson bobo shu fazilatlari bilan xalq orasida e’tibor qozonib, aholi unga e’tiqod qilishgan. Qabrlari ustiga gumbaz, xonaqo qurib e’zozlashgan. Xozirda bu kishining gumbazi saqlanib qolgan. Ayrim kishilar, ko‘pincha ayollar har chorshanba kuni bu qabrni ziyorat qilishib, unga chirog‘, sha’m yoqishib iltijo qilishadi.