A qodiriy nomidagi jizzax davlat pedagogika instituti pedagogika va psixologiya fakulteti

Ta’limni tarbiyalovchilik xarakteri.

Maktab o’quvchilariga ta’lim berish, tarbiyalash va ularning umumiy rivojlanishlarini bir butunlikda amalga oshirishlari zarur. O’quv fanlarining har biri, xatto ayrim mavzu va mavzuchalari ham, shubhasiz, tarbiyalovchilik xarakteriga ega.

Ta’lim jarayonida o’tilayotgan katta va kichik mavzularning mazmunidan kelib chiqadigan tarbiyaviy tomonlarini to’g’ri belgilash va uni ta’lim bilan birga, bir butunlikda amalga oshirishni ta’minlash juda muhim va hal qiluvchi ahamiyatga ega.

Maktabda beriladigan ta’lim bilan tarbiya o’rtasidagi pedagogik jarayonning butunligini taqdim etuvchi uzviy birlik hamisha mavjud.

Maktab ta’limida o’quvchialr tabiiy fanlarni-matematika, ximiya, biologiya, astronomiya va boshqa fanlarni o’zlashtirish orqali ilmiy e’tiqodlari shakllana boradi. Ular dunyoni o’rganish mumkinligini ilmiy asosda anglab oladilar, haqiqatga ishonch bilan, yolg’on narsalarga nafrat bilan qaray oladigan bo’ladilar. Ular ustidan haqqoniy hukm chiqaradigan, aqlli, idrokli, imonli inson bo’lib yеtishadilar.

Maktab ta’limida, gumanitar fanlarning ham tarbiviyaviy mohiyati juda muhimdir. Tarix fanini o’rganish orqali o’quvchilar Respublikamiz tarixini, uning rivojlanish bosqichlari, moddiy-madaniy, ilmiy-siyosiy, ma’naviy jihatdan rivojlanishi, adabiy-badiiy merosi, bobokalonlarimiz tomonidan qoldirilgan qimmatli xazinalar, hozirgicha o’rganilmay qolgan xalq pedagogikasi durdonalari bilan tanishadilar. Shuningdek, sharqona udumlar, odatlar dunyosiga kirib boradilar, tarixning chin ijodkori xalq ommasi ekanligi haqida aniq bilimga ega bo’ladilar.

Adabiyot va san’atni o’rganish o’quvchilarni chin inson qilib tarbiyalashdagi eng zarur shartlardandir.

Ta’lim-tarbiyaning birligi ta’lim jarayonining to’g’ri tashkil qilish va o’qitishning xilma-xil usul va uslublaridan foydalana olishga ko’p jihatdan bog’liqdir.