A qodiriy nomidagi jizzax davlat pedagogika instituti boshlang’ich ta’lim fakulteti boshlang’ich ta’lim nazariyasi va amaliyoti kafedrasi boshlang’ich sinflarda axborot texnologiyalaridan foydalanish fanidan Tuzuvchi: katta o’qituvchi M

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI
A. QODIRIY NOMIDAGI JIZZAX DAVLAT PEDAGOGIKA INSTITUTI


BOSHLANG’ICH TA’LIM FAKULTETI


BOSHLANG’ICH TA’LIM NAZARIYASI VA AMALIYOTI KAFEDRASI


Boshlang’ich sinflarda axborot texnologiyalaridan foydalanish fanidan





Tuzuvchi: katta o’qituvchi M. Usmonov
Jizzax-2020
Mundarija:


1. Kirish
2. Ma’ruza
3. Mustaqil ta’lim
II. Me’yoriy hujjatlar
4. Fan dasturi
5. Ishchi dastur
6. Kalendar ish reja
7. ON, YaN lar
8. Glossariy
9. Foydalanilgan adabiyotlar
KIRISH
Hozirgi zamonda biror bir sohada ishni boshlash va uni boshqarishni kompyutersiz tasavvur qilish qiyin. XXI asr savodxon kishisi bo‘lishi uchun kompyuter savodxoni bo‘lishi, axborot texnologiyalarini puxta egallamog‘i lozim. Har bir mutaxassis, u qaysi sohada ishlashidan qat’iy nazar, o‘z vazifasini zamon talabi darajasida bajarishi uchun axborotni ishlab chiqaruvchi vositalar va ularni ishlatish uslubiyatini bilishi va ishlash ko‘nikmalariga ega bo‘lishi zarur. Shu sababli bugungi kunda mustaqil Respublikamizda ta’lim sohasida amalga oshirilayotgan tub islohotlar, jumladan, “Kadrlar tayyorlash milliy dasturi”da “Kadrlar tayyorlash tizimi va mazmunini mamlakatning ijtimoiy va iqtisodiy taraqqiyoti istiqbollaridan, jamiyat ehtiyojlaridan, fan, madaniyat, texnika va texnologiyalarning zamonaviy yutuqlaridan kelib chiqqan holda qayta qurish nazarda tutiladi” deb ta’kidlangan.
Respublikamizda bugungi kunda kompyuter texnologiyalari va butun jahon axborot tarmog‘i bo‘lgan - Internetni o‘quv jarayoniga tatbiq etishni rivojlantirishga katta ahamiyat berilmoqda. Buning huquqiy asoslari birinchi Prezidentimizning 2002 yil 30 maydagi "Kompyuterlashtirishni yanada rivojlantirish va axborot kommunikatsiya texnologiyalarini joriy etish to‘g‘risda"gi Farmonida va ushbu farmonning bajarilishi yuzasidan Vazirlar Mahkamasining 2002 yil 6 iyunda qabul qilgan “2002-2010 yillarda kompyuterlashtirish va axborot-kommunikatsiya texnologiyalarini rivojlantirish dasturi to‘g‘risida”gi qarorida, Vazirlar Mahkamasining 2001 yil 23 maydagi "2001-2005 yillarda kompyuter va axborot texnologiyalarini rivojlantirish, “Internet”ning xalqaro axborot tizimlariga keng kirib borishini ta’minlash dasturini ishlab chiqishni tashkil etish chora tadbirlari to‘g‘risida"gi 230-sonli qarorida ko‘rsatib o‘tilgan. Mamlakatimizdagi Akademik litseylar va kasb-hunar kollejlarining zamonaviy texnika vositalari va kompyuterlar bilan ta’minlanishi davom etayotgan bo‘lsada, ulardan foydalanish va foydalanuvchilarning imkoniyat darajalarini ko‘tarishni davr talabi taqozo etmoqda. Shuning uchun ham o‘quv yurtlarimizda boshlang’ich sinflarda axborot texnologiyalaridan foydalanish fanining o‘qitilishiga va yangi texnikadan samarali foydalanishni amalga oshiruvchi pedagoglarning malakalarini oshirishga juda yuksak e’tibor berilayapti.
Ta’lim tizimi butunlay yangi mazmun kasb etayotgan xozirgi davrda har bir fanning o‘qitilish mazmunini qayta tahlildan o‘tkazish, ta’lim bosqichlari bo‘yicha uning uzviyligi va uzluksizligini ta’minlash asosida tubdan isloh qilish va amaliy hayotga bog‘lash nuqtai nazardan yondashuv zarur bo‘ladi. Oliy ta’lim muassasalarining boshlang’ich ta’lim yo’nalishlari uchun o‘quv rejasiga predmeti sifatida kiritilgan “Boshlang’ich sinflarda axborot texnologiyalari” fani ham bundan mustasno emas.