A. N. Samadov, O. S. Jumanov

1 0 . 3 .   T u x u m n i n g   s i f a t   k o ‗ r s a t k i c h l a r i  
 
Tuxumlarning sifati ularning og„irligi, tozaligi, nur o„tkazish hidiga 
qarab  belgilanadi.  Sifat  ko„rsatkichlariga  qarab  tovuq  tuxumi  ikki 
kategoriyaga bo„linadi.  
Birinchi  kategoriya  toza,  yirik,  10  donaning  og„irligi  parhez 
tuxumlar  uchun  550  g,  bir  donasi  esa  54  gdan  kam  bo„lmasligi  kerak. 
Qolgan  tuxumlar  uchun  10  donasi  480  g,  1  donasi  47  gdan  kam 
bo„lmasligi lozim. Birinchi kategoriyadagi tuxumlar butun, darz ketmagan, 
toza va yorug„lik to„la o„tkazadigan bo„ladi.  
Ikkinchi  kategoriya  esa  birinchi  kategoriya  talabini  qondirmagan, 
og„irligi  parhez  tuxumlari  uchun  o„n  donasi  440  g,  1  donasi  44  g  dan 
qolgan tuxumlar uchun 440 g, 1 donasining og„irligi 43 g dan kam bo„lgan 
tuxumlar  kiritiladi.  Og„irligi  43  g  dan  kam  bo„lgan  tuxumlar  umumiy 
ovqatlanish korxonalarida va boshqa oziq-ovqat korxonalarida xom ashyo 
sifatida  ishlatiladi.  Tuxumlarning  sifati  ulardan  nur  o„tishiga  bog„liqdir. 
Yangi  sifatli  tuxumlarda  nur  to„liq  va  tiniq  o„tadi.  Sifatsiz  tuxumlarda 
nurlar  to„liq  o„tmaydi.  Tuxumlarning  bu  ko„rsatkichlari  maxsus  asbob  - 
«ovoskop»da aniqlanadi.  
Yangi  tuxumlar  o„ziga  xos  hidli  bo„ladi.  Eskirgan  tuxumlarda 
qo„lansa  hid  paydo  bo„ladi.  Tuxumlarning  solishtirma  og„irligi  ham 
ularning sifatini belgilovchi omil sanaladi. Yangi tuxumlarning solishtirma 
og„irligi  1,080  ga  teng.  Tuxum  eskirishi  bilan  solishtirma  og„irligi 
kamayib  boradi.  Masalan,  10%lik  osh  tuzi  nomakobda  eski  sifatsiz 
tuxumlar  cho„kmay,  qalqib  yuradi.  Ikkinchi  kategoriya  tuxumlari  qisman 
ifloslangan bo„lishi mumkin.  
Tuxumda  uchraydigan  nuqsonlar  -  tuxum  po„stining  g„ovaklaridan 
o„tadigan  mikroorganizmlar  va  mog„orlar  ta‟sirida,  shuningdek  tuxumni 
saqlash  davrida  bo„ladigan  ichki  o„zgarishlar  natijasida  hosil  bo„ladi.  Bu 
nuqsonlar rivojlanish darajasiga ko„ra quyidagilarga bo„linadi: 

---

169 
 
Iste‟molga yaroqli nuqsonli tuxumlar - darz ketgan, ustki ko„rinishi, 
ya‟ni  po„sti  ezilgan  (ammo  ichki  pardasi  butun),  bo„shliq  qismini 
egallagan,  tuxum  sarig„i  bog„ichidan  uzilgan,  po„sti  ostida  1-2  xira 
dog„lari  (mog„orlari)  bo„lgan,  usti  haddan  tashqari  ifloslangan  bo„ladi. 
Iste‟molga  yaroqli  tuxumlar  savdoga  chiqarilmaydi.  Bunday  tuxumlarni 
umumiy  ovqatlanish  korxonalarida,  shuningdek  oziq-ovqat  korxonalarida 
xom ashyo sifatida ishlatib yuboradi.  
Iste‟molga  yaroqsiz,  ya‟ni  to„liq  buzilgan  tuxumlar  -  palag„da 
qolgan,  qopli,  sarig„i  yorilib  tuxum  oqi  bilan  qo„shilib  ketgan,  tuxum 
sarig„i  po„stiga  yopishib  qolgan  bo„ladi.  Bunday  tuxumlar  chiqitga 
chiqariladi.