A. N. Norchayev, T. B. Sadikov, M. Z. Nurfayziyeva mintaqaviy turizm

15.5. Viloyatning asosiy makroiqtisodiy ko‘rsatkichlari tahlili

Viloyatning O‘zbekiston hayotida va iqtisodiyotidagi o‘rni beqiyos. Xususan, bugungi kunda respublikada ishlab chiqarilayotgan sementning 45 foizi, mineral

145
o‘g‘itlarning 30 foizi, elektr energiyasining 16 foizi, sanoat mahsulotlarining 10 foizi viloyatning hissasiga to‘g‘ri keladi.

Iqtisodiyotning qon tomiri bo‘lgan xalqaro ahamiyatdagi avtomobil va temir yo‘llarning qariyb 750 km.ni viloyat hududidan o‘tganligi viloyatning naqadar katta transmagistral salohiyatga egaligini ko‘rsatadi.

Xususan, viloyat hududidan xalqaro ahamiyatdagi 302 km, respublika ahamiyatidagi 2490 km avtomobil yo‘llari (Shuningdek, 1125 km mahalliy ahamiyatdagi avtomobil yo‘llari), 440 km temir yo‘llari o‘tgan.

Shu nuqtai nazardan, Navoiy viloyati ulkan iqtisodiy salohiyati bilan respublikada muhim ahamiyatga ega. Viloyat respublika iqtisodiyotining rangli metallurgiya, kimyo va qurilish sanoati yetakchi hududlaridan biri hisoblanadi. Respublikada yaratilayotgan yalpi ichki mahsulotning 5,2 foizi viloyat hissasiga to‘g‘ri keladi.

Viloyatda “Navoiy” erkin iqtisodiy zonasi faoliyatining yo‘lga qo‘yilishi, jahon standartlariga javob beradigan va dunyo bozorlarida talab qilinadigan mahsulot yetishtirish, zamonaviy, yuqori texnologiyali ishlab chiqarishlarni tashkil etish uchun xorijiy investitsiyalarni, birinchi galda to‘g‘ridan-to‘g‘ri investitsiyalarni jalb etishga imkoniyat yaratildi.

Bugungi kunda “Navoiy” erkin iqtisodiy zonasida 19 ta korxona faoliyati samarali yo‘lga qo‘yilgan bo‘lib, ular tomonidan 100 turdan ortiq xaridorbop mahsulotlar ishlab chiqarilmoqda.

146