A. M. Karimova, D. M. Malikova pul va banklar

Milliy valyuta barqarorligini ta’minlash uchun Markaziy bank qator muxim vazifalarni xal etadi. Ularning eng asosiylari sifatida quyidagilarni keltirish mumkin:

• 
  Monetar siyosatni va valyutani boshqarish siyosatini shakillantirish, qabul qilish va amalga oshirish;
  
• 
  Oʻzbekiston Respublikasida hisob kitoblarning samarali tizimini yaratish;
  
• 
  Banklar faoliyatini tartibga solish va boshqalarni nazorat qilish;
  
• 
  Oʻzbekiston Respublikasining rasmiy oltin valyuta zahiralarini saqlash va uni boshqarish;
  
• 
  Moliya vazirligi bilan birgalikda davlat byudjetining kassa ijrosini uyushtirish.
  

Markaziy bankning faoliyatining mazmuni uning funksiyalarida toʻlaroq namoyon boʻladi. Markaziy bankning har bir funksiyasi, uning mamlakat bank tizimining bosh boʻg‘ini, iqtisodiyotni pul kredit orqali tartibga soluvchi davlat organi sifatidagi faoliyatining aniq bir tomonini aks ettirishi kerak.
Davlatlarning bank qonunchiligida oʻzaro jiddiy farqlar boʻlsada, Markaziy bankning funksiyalari va vazifalari borasida koʻpgina umumiy oʻxshashliklar mavjud. 2019-yil 12-noyabrda Oʻzbekiston Respublikasining “Oʻzbekiston Respublikasining Markaziy banki toʻg‘risida”gi Qonuni yangi tahrirda qabul qilindi. Qonunning 1995-yilda qabul qilingan tahriridan farqli oʻlaroq, yangi tahririni ishlab chiqishda Markaziy bankning iqtisodiyotda narxlar barqarorligi, bank tizimi va toʻlov tizimlari faoliyati barqarorligini ta’minlash zaruriyati hisobga olingan. Qonun 11 ta bob va 72 ta moddadan iborat.
Xalqaro valyuta jamg‘armasining tavsiyalariga binoan Markaziy bankning vakolatlari yangilanib, ularning tarkibiga banklar, nobank kredit tashkilotlari, ipotekani qayta moliyalash tashkilotlari va banklar guruhlarining faoliyatini litsenziyalash, tartibga solish va nazorat qilishda asoslantirilgan mulohazadan foydalanish, shuningdek, valyuta, qimmatbaho metallar va bozor instrumentlari qatorini kengaytirgan holda moliya bozorlarida spot va forvard operatsiyalarini amalga oshirish kabi vakolatlar kiritildi.