A. M. Karimova, D. M. Malikova pul va banklar

Xususiy tadbirkorlik - 1. Fuqarolar (alohida fuqarolar) tomonidan oʻzlarining tavakkalchiliklari va mulkiy javobgarliklari ostida, shaxsiy daromad (foyda) olish maqsadida amaldagi qonunchilik doirasida amalga oshiriladigan tashabbuskor xoʻjalik faoliyatidir. 2. Jismoniy yoki yuridik shaxslar tomonidan amalda oʻzining shaxsiy mulki asosida tashkil etiladigan faoliyat turi.
Xususiy tashkilotlar - demokratik davlatlarda, individuallar va xususiy tashkilotlar mustaqil ish yuritishga harakat qiladi. Masalan, roʻznoma va oynomalar xususiy tarzda boshqariladi. Davlat maktablari bilan xususiy maktablar ham faoliyat koʻrsatadi. Koʻplab korxonalar xususiy tarzda boshqariladi. Britaniya, Shvesiya va koʻplab davlatlarda (ya’ni, demokratik davlatlarda) sanoat va xizmat koʻrsatishning ayrim tarmoqlariga davlatning oʻzi egalik qiladi. Totalitar davlatlarda esa hukumatning oʻzi aksariyat uyushmalar va tashkilotlarni shakillantiradi va nazorat qiladi. Bu davlatlarda odamlar davlatning ruxsatisiz biror-bir guruhga birlasha ham olmaydilar.
Chaqa - mis, jez singari metallardan yasalgan mayda, tanga pul.
Chek - bankka berilgan farmoyishga koʻra shaxsning joriy hisob varaqda koʻrsatilgan summani berish toʻg’risidagi maxsus hujjat. Chek mijozning oʻz bankiga unda koʻrsatilgan mablag’ni naqd pulda berilishi yoki boshqa hisob raqamiga (schyotiga) oʻtkazilishi toʻg’risidagi buyrug’idir.
Chet el bank vakolatxonasini akkreditasiyalash - chet el banki Oʻzbekiston Respublikasi hududida oʻz vakolatxonasini ochishi va uning faoliyat olib borishi uchun ruxsatnoma olishi hamda vakolatxona boshlig’ini tayinlashi.
Chet el banki vakolatxonasi - chet el bankining u joylashgan yerda boshqa ochilgan alohida boʻlinmasi boʻlib, u bank va boshqa tijorat faoliyati bilan shug’ullanish huquqisiz bank manfaatlarini koʻzlab ish olib boradigan bank boʻlinmasidir.
Chet el banklari - 1. Bank chet el bankining filiali boʻlib, unda uning ustav kapitali toʻliqligicha chet el banki tomonidan toʻlanadi va u oʻz faoliyatini Oʻzbekiston Respublikasida amalga oshiradi. 2. Chet davlatlar hududida roʻyxatga olingan (norezident banklar) va oʻzlari joylashgan hamda roʻyxatga olingan joydagi organlardan lisenziya olgan banklar.