A. M. Karimova, D. M. Malikova pul va banklar

Xalqaro valyuta fondi - xalqaro moliya valyuta tashkiloti. Uni tuzishdan maqsad xalqaro savdoni rivojlantirish, valyuta kursini, me’yorlarini, nisbatlarini belgilash, koʻp tomonli toʻlovlar tizimiga rioya qilinishini nazorat qilish hamda fond a’zolariga valyuta yetishmovchiligi holatlarida kredit, qarz berishdir.
Xalqaro valyuta munosabatlari - pulning jahon xoʻjaligida amal qilishi va turli iqtisodiy aloqalarga xizmat qilishi yoki pulningg xalqaro toʻlov munosabatlarida faoliyat koʻrsatishi.
Xalqaro valyuta tizimi - xalqaro valyuta munosabatlarining davlatlararo bitimlarda huquqiy jihatdan mustahkamlangan ifodasi.
Xalqaro iqtisodiy integrasiya - mustaqil davlatlarning xalqaro mehnat taqsimoti asosida iqtisodiy, siyosiy va boshqa maqsadlar mushtarakligi negizidagi aloqalarining shunday darajasiki, bunda har bir mamlakatning taraqqiyoti oʻz ichki imkoniyatlari bilan birga mamlakatlar oʻrtasidagi aloqalarga ham bog’liq boʻladi.
Xalqaro yoki mintaqaviy valyutalar - deganda bir guruh mamlakatlar tomonidan foydalaniladigan pul birliklari va toʻlov vositalari tushuniladi. Masalan: SDR, YeVRO, KFA franki, Sharqiy Karib dollari va boshqalar.
Xalqaro kredit - xalqaro umumiqtisodiy sohada, bir mamlakat tomonidan boshqa mamlakatga vaqtinchalik foydalanishga beriladigan qarz. Ssuda kapitalining xalqaro miqyosdagi harakati boʻlib, bu harakat tovar va valyuta koʻrinishidagi mablag’larni qaytarib berishlik, muddatlilik va haq toʻlashlik asosida berish bilan bog’liqdir.
Xalqaro lizing - koʻpincha bu moliyaviy lizing (moliyaviy lizingni-qarang) boʻlib, bunda bir tomonda chet el hamkori (sherigi) turadi.
Xalqaro savdo - turli davlatlar, ularning firmalari va aholisi oʻrtasida amalga oshadigan eksport-import munosabatlaridan iborat savdo shakli.
Xalqaro hisob- kitoblar - 1. Tashqi savdo, kapitallar va kreditlarning harakati bilan bog’liq valyutaviy operasiyalar, valyutada oldi-sotdi qilish operasiyalari va boshqa tovarsiz harakatdagi operasiyalar majmui tushuniladi. 2. Bir mamlakatdan boshqa mamlakatga naqd pulsiz oʻtkazilgan toʻlovlar tushuniladi. Xalqaro hisob- kitoblar turli mamlakatlarning davlat idoralari,