A. M. Karimova, D. M. Malikova pul va banklar

Xalqaro valyuta fondi - xalqaro moliya valyuta tashkiloti. Uni tuzishdan maqsad xalqaro savdoni rivojlantirish, valyuta kursini, me’yorlarini, nisbatlarini belgilash, koʻp tomonli toʻlovlar tizimiga rioya qilinishini nazorat qilish hamda fond a’zolariga valyuta yetishmovchiligi holatlarida kredit, qarz berishdir.
Xorijiy davlatning banki - xorijiy davlat hududida roʻyxatga olingan va u joylashgan hamda roʻyxatga olingan joydagi bank nazorati organi tomonidan berilgan bank faoliyatini amalga oshirish huquqini beruvchi lisenziyaga ega bank.
Hududiy Bosh boshqarma ma’muri – Markaziy bank hududiy Bosh boshqarmasida videokonferensiya aloqa uskunalarini oʻrnatishni, tarmoqqa ulanishini va ishlashini ta’minlaydigan Markaziy bank hududiy Bosh boshqarmasi mutaxassisi.
Hududiy valyuta tizimi — milliy va jaxon valyuta tizimlarining oraliq elementi hisoblanib, u mamlakatlar hududiy guruhi integrasiyasiga xizmat qiladi. Bunga misol qilib, Yevropa valyuta iqtisodiy ittifokini keltirish mumkin.
Hududlararo hisob-kitoblar - 1. Turli hisob- kitoblarning markazlarida vakillik hisob-varaqlariga ega boʻlgan banklararo hisob- kitoblardir. 2. Banklararo hisob- kitoblar bir viloyat ichidagi hisob- kitoblar markazi orqali amalga oshirilib qolmay, balki viloyat tashqarisiga ham chiqishi mumkin. Bunda banklararo hisob- kitoblar viloyat Markaziy banki boshqarmalari qoshida ochilgan hisob- kitob kassa markazlari orqali oʻtkaziladi. Turli hisob- kitob kassa markazlarida vakillik hisob varag’iga ega boʻlgan banklar oʻrtasidagi hisob- kitoblar hududlararo hisob-kitoblar deb ham yuritiladi.
Xususiy daromad - alohida jismoniy shaxs, shaxsiy soliq toʻlashdan oldingi daromad.
Xususiy kapital - bu ustav kapitali, qoʻshilgan, zahira kapitali hamda taqsimlanmagan foydadan tarkib topadi.
Xususiy mulk - yuridik va jismoniy shaxslarning oʻziga tegishli boʻlgan mulki. Ular shu mulkni sotish, almashtirish va nazorat qilish huquqiga ega.