A. M. Karimova, D. M. Malikova pul va banklar

Ustav fondi - 1. Bank faoliyatini tashkil etish uning ustav fondini yaratishdan boshlanadi. Ustav fondi yuridik va jismoniy shaxslarning jamg’armasi hisobidan yaratiladi va majburiyatlarni bajarish uchun xizmat qiladi. 2. Pul mablag’larining yig’indisi, korxona yoki tashkilotlarning oʻz ish faoliyatini olib borish uchun oʻrnatilgan ma’lum bir summa.
Ustuvor intensiv iqtisodiy oʻsish - iqtisodiy oʻsish intensiv omillarning yuqori oʻrniga egaligini bildiradi.
Oʻzbekiston Respublikasining naqd milliy valyutasi – Oʻzbekiston Respublikasining banknota va tanga shaklidagi pul birligi.
Uzun valyuta pozisiyasi – vakolatli bankning chet el valyutasidagi talablari miqdorining uning chet el valyutasidagi majburiyatlari miqdoridan ortiq boʻlgan holatdagi ochiq valyuta pozisiyasidir.
Faktoring - Banklar va boshqa moliyaviy tashkilotlarning korxonalar qarzlarini (yetkazib berilgan va bajarilgan xizmatlarga haq toʻlash boʻyicha majburiyatlarini) oʻz zimmasiga olishidan iborat boʻlgan moliyaviy-tijorat xizmat turi. Foiz - hissa, ustama, qoʻshimcha foyda.
Foiz opsioni – bu opsion egasiga qa’tiy oʻrnatilgan bahoda kelgusida belgilangan kunda yoki ungacha qisqa muddatli depozit yoki ssudani sotish yoki sotib olish huquqini (majburiyat emas) beruvchi kelishuvi.
Foiz svopi - bu ikki tomon oʻrtasidagi shartnomaviy kelishuvdir, masalan, tijorat banki va uning mijozi bilan oldindan kelishib qoʻyilgan fiktiv summa foiz toʻlovidir. Yoki bir tomon ikkinchi tomonga olingan summaga fiktiv foiz toʻlaydi va boshqa tomondan suzib yuruvchi foiz stavkasi orqali pul oladi, odatda, bu libor stavkasi (har kunlik oʻrtacha foiz stavkasi) orqali olib boriladi.
Foiz siyosati - ssuda siyosatining muhim qismi boʻlib, taqdim etilgan kreditlardan olingan foizlar bank daromadining muhim qismini tashkil etadi.
Xalqaro valyuta jamg’armasi - xalqaro savdo va valyuta hamkorligini rivojlantirishga ta’sir koʻrsatish maqsadida 1944-yilda tashkil etilgan xalqaro valyuta-moliya tashkiloti. Xalqaro valyuta jamg’aramasi -a’zo davlatlar oʻrtasida valyuta- kredit munosabatlarini tartibga solib turish va ularga toʻlov balansining kamomadi bilan bog’liq valyutaviy qiyinchiliklar paytida chet el valyutasida qisqa va uzoq muddatli kreditlar berish yoʻli bilan moliyaviy yordam koʻrsatish uchun moʻljallangan hukumatlararo tashkilot. XVJ oʻz amaliy faoliyatini 1947 yil 1 martdan boshlagan.