A. M. Eshmuradov, D. T. Normatova abonent kirish tarmoqlari

1.6. ASAM  abonent kirish multipleksori
ASAM  multipleksorining arxitekturasi
Multipleksor bir necha signallar kirishlariga, bitta yoki undan 
ortiq  boshqarish  kirishlariga  va  bitta  chiqishga  ega  bo‘lgan 
qurilma hisoblanadi. Multipleksor kirishlarining biridan chiqishga 
signalni  uzatishga  imkon  beradi.  Bunda  kerakli  kirishni  tanlash 
boshqarish  signallarining  mos  kombinatsiyasini  berish  orqali 
amalga  oshiriladi.  Analog  va  raqamli  multipleksorlar  ishlash 
tamoyili  bo‘yicha  sezilarli  farqlanadi.  Analog  multipleksorlarda 
tanlangan kirish chiqish bilan elektr ulanadi (bunda ular orasidagi 
qarshilik uncha katta bo‘lmaydi, ya’ni birlab yoki o‘nlab omlarni 
tashkil  etadi).  Raqamli  multipleksorlarda  tanlangan  kirish 
chiqish  bilan  to‘g‘ridan  to‘g‘ri  elektr  ulanmaydi,  faqat  tanlangan 
kirishdan  mantiqiy  sathni  («0»  yoki  «1»)  «ko‘chiradi».  Analog 
multipleksorlar  ba’zan  kalitlar  yoki  kommutatorlar  deyiladi. 
Multipleksorlar,  asosan,  bitta  oqimga  kanallarni  zichlashtirish 
usuli  bo‘yicha  farqlanadi.  Bu  chastotaviy/spektral  (FDMA),  vaqt 
bo‘yicha  (TDMA),  kod  bo‘yicha  (CDMA),  fazoviy  (SDMA) 
multiplekslash  bo‘lishi  mumkin.  Simli  aloqa  kanallarida,  odat-

---

36
da,  birinchi  ikkita  usullar,  simsiz  kanallarda  esa  barcha  4  ta 
multiplekslash usullari qo‘llaniladi.
Ulardan  faqat  birinchi  ikkitasini  ko‘rib  chiqamiz,  chunki 
mul tipleksor atamasi, odatda, aynan simli aloqa liniyalariga nis-
batan  qo‘llaniladi.  Chastotaviy  multiplekslashda  umumiy  aloqa 
kanalida har bir kirish oqimi uchun alohida chastotalar diapazoni 
ishlatiladi.  Multipleksorning  vazifasi  bu  holda  har  bir  kirish 
kanalining spektrini boshqa kanallar bilan kesishmaydigan boshqa 
chastotalar  intervaliga  o‘tkazishdan  iborat.  Multiplekslangan 
kanallar  hatto  ularga  ajratilgan  chegaradan  signal  spektri  chiqib 
ketganida    bir-birlariga  xalaqit  qilmasligi  uchun  chastotalar 
diapazonlar  orasida  himoya  intervallari  qoldiriladi.  Chastotaviy 
multiplekslash ham elektr, ham optik aloqa liniyalari, ham analog 
signallar uchun, ham raqamli signallar uchun qo‘llaniladi.