A. I. Umirdinov, A. M. Xakimov xalqaro ommaviy huquq sud amaliyoti o‘quv-uslubiy qo‘llanma (keyslar to‘plami) toshkent – 2018

Nizolashuvchi tomonlarning da’volari.

Xorijiy investorning da’volari. Xorijiy investorning da’vosiga ko‘ra, birinchidan, uning Navoiy viloyatidagi Amantaytau Goldfields qo‘shma korxonasi va Surxondaryo viloyatidagi Xondiza konlaridagi investitsiyalari O‘zbekiston hukumati tomonidan noqonuniy ekspropriatsiya qilingan. Ikkinchidan, O‘zbekiston tomoni Buyuk Britaniya va O‘zbekiston o‘rtasidagi ikki tomonlama investitsiyalarni himoyalashga doir bitimni⁴⁹ buzgan, ya’ni investorga adolatli va xolis munosabatda bo‘lmasdan, investorni yetarlicha himoya bilan ta’minlamagan. Shu sababli investor O‘zbekiston hukumatidan o’ziga yetkazilgan jami bo‘lib 1 milliard 250 million AQSH dollarini kompensatsiya sifatida to‘lashni talab etadi.
O’zbekistonning da’volari. Javobgar esa bularning barchasini rad etadi. Javobgar arbitraj hakamlaridan da’vogarning da’volarini to’la hajmda rad etishni va davogarga nisbatan javobgarning qarshi da’vosini qanoatlantirishni so’raydi. O‘zbekiston tarafi, shuningdek da’vogarning da’volariga qarshi o‘z himoyasi bilan bog‘liq barcha xarajatlarning qoplab berilishini ham so‘raydi.

3. 
   Arbitraj qarori
   

2012-yil avgust oyidagi ish bo‘yicha yurisdiksiya masalasiga oid birinchi qarorda arbitraj hakamlari ushbu ishda o‘zlarining yurisdiksiyasi mavjud ekanligini takidlashgan va ish ko‘rishni davom ettirishgan. Ammo yurisdiksiyaga doir qaror uchinchi shaxslar uchun e’lon qilinmagan. Uch yil o‘tib esa UNCITRAL qoidalari bo’yicha tashkil qilingan xalqaro arbitraj Oxus Gold kompaniyasining O‘zbekistonga qarshi qo‘zg‘atgan ishi yuzasidan 2015-yil 17-dekabr kuni o‘zining uzil-kesil qarorini e’lon qildi. Oxus tomonidan qanoatlantirilishi so‘ralgan da’volarning faqatgina bir qismigina qanoatlantirilgan. Hakamlar investorning deyarli barcha da’volarini rad etgan bo‘lsa-da, AGFga taqdim etilgan soliq imtiyozlarining O‘zbekiston tomonidan muddatidan avval tugatilishi Buyuk Britaniya va O‘zbekiston o‘rtasidagi investitsiya bitimiga zid kelishini ta’kidlab, javobgarning da’vogarga nisbatan 10.3 million AQSH dollarni yetkazilgan zararni qoplash uchun berishi bo‘yicha qaror qildi⁵⁰.

4.