A. D. Kayumov gruntshunoslik

4.4. Gilli va changli (lyossimon) gruntlar 
 
Gilli  va  changli  gruntlar  nurash  va  denudatsiya  jarayonlari  ta‟sirida,  fizik 
nurash  agentlari  bilan  birgalikda  kimyoviy  nurash  agentlari  faol  ishtirok  etishida 
shakllanadi, ya‟ni ikkilamchi mahsulot – gilli minerallardan iborat bo„lgan yuqori 
dispersli  gruntlar  hosil  bo„ladi.  Bu  gruntlar  o„zining  xususiyatlari  jihatidan  yirik 
donali  va  qumli  gruntlardan  sezilarli  farq  qiladi.  Ularning  eng  tavsifli  xususiyati 
suv ta‟sirida mustahkamlikning tez o„zgarishidir: quruq holda bog„langan gruntlar 
yuqori  mustahkamlikka  ega  bo„ladi,  namlikning  oshishi  bilan  mustahkamligi 
kamayadi va oquvchan holatga o„tadi. Odatda, bog„langan gruntlarning g„ovakligi, 
yuqori  bo„ladi.  Ammo  shunga  qaramasdan,  ularning  suv  o„tkazuvchanligi  juda 
kam, chunki g„ovakliklar ichida mikrog„ovaklik asosiysi hisoblanadi. 
Umumiy  tasnifda  gilli  va  changli  (lyossimon)  gruntlar  alohida  guruhlarga 
ajratilgan. Bu ularning tarkibi va asosan – namlanganda o„zini tutishidandir: bunda 
gilli gruntlar ko„pchiydi, lyossimon gruntlarning ko„pchilik turlari cho„kadi.