А. Бурханов, К. Рахматов

В.Кристаллернинг «Марказий жой» назарияси. 
В. Кристаллйер «Марказий ўрин назарияси»нинг асосчисидир. У 
математик ҳисоб-китоблар орқали ҳудудий ийерархия бир даражадан бошқа 
даражага тўғри геометрик прогрессия орқали ўтишини исботлади. Масалан, 
вилоят бир неча туманлардан, ўз навбатида туманлар кўплаб қишлоқ 
фуқаролари йиғинларидан иборат. Ҳар бир қишлоққа ўзига тегишли бўлган 
товар ва хизматлар йўналтирилган. Шундай қилиб, олим аҳоли пунктлари 
гуруҳий тизимини ташкил этишнинг қулай вариантини аниқлаш орқали 
марказий ўринлар назариясини яратди. Мазкур назария асосида бозор 
минтақасининг энг самарали тузилмаларини, товар ва хизматлар 
ҳаракатининг оқилона йўналишларини, шаҳар ва аҳоли пунктлари 
бошқаруви маъмуриятининг қулай тузилмасини шакллантиришни аниқлаш 
мумкин. 
Ҳудудий назарияларни (шу жумладан, ҳудудий сиёсат назарияларини) 
ўрганишга охирги ўн йилликларда нисбатан камроқ эътибор берилди. Тўғри, 
ҳудудий иқтисодиёт бўйича анчагина тадқиқотлар қилинди. Уларнинг 

---

58
натижалари китоб ҳолида нашр этилди. Аммо, ҳудудий иқтисодиётнинг 
назарий асослари уларнинг айримларидагина кўриб чиқилди. Ҳудудий ўсиш 
назарияларини кўриб чиқишда икки хил асосий ёндашув мавжуд. Биринчиси 
– ҳудудларда иқтисодий ўсиш моделларини қўллаш. Бундай моделларни 
мамлакат иқтисодиётининг ўсишини изоҳлаш учун ишлаб чиқилган 
моделларга ўхшатиш мумкин. Иккинчиси эса, алоҳида корхона ва 
фирмаларнинг хатти-ҳаракатларини таҳлил этишга асосланган. Чунки 
минтақаларнинг 
иқтисодий ривожланишини, авваламбор, уларнинг 
фаолиятигина белгилаб беради. Компаниялар ўз фаолиятини у ёки бу 
ҳудудда олиб боришининг сабаблари жойлаштириш назариялари орқали 
кўриб чиқилади
.
Ишлаб чиқарувчи кучларни жойлаштириш қонуниятлари: ишлаб 
чиқаришни оқилона жойлаштириш, минтақа хўжалигининг комплекс 
ривожлантириш, ҳудудий меҳнат тақсимотидан иборатдир. 
Ишлаб чиқариш кучларини жойлаштириш қонуниятлари ишлаб 
чиқариш кучлари ва ҳудудлар ўртасидаги умумий муносабатларда намоён 
бўлади. Иқтисодий ривожланишнинг ҳозирги босқичида ишлаб чиқариш 
кучларини 
оқилона 
жойлаштиришда 
ишлаб 
чиқаришнинг 
юқори 
самарадорлиги, максимал даромад олиш имкониятларига катта эътибор 
бериш лозим. Айни пайтда, табиий-ресурс салоҳиятларидан тежамкорлик 
билан фойдаланиш, экологик шароитни яхшилаш масалалари ҳам ҳисобга 
олинади. 
Бозор шароитида ишлаб чиқариш кучларини жойлаштиришнинг асосий 
қонуниятлари қуйидагилардан иборат:
ишлаб чиқариш кучларини оқилона ва самарали жойлаштириш; 
минтақаларни комплекс ривожлантириш; 
минтақалар ўртасидаги ҳудудий меҳнат тақсимоти; 
минтақалар 
ижтимоий-иқтисодий 
ривожланиш 
даражасини 
тенглаштириш. 

---

59
Ишлаб чиқариш кучларини оқилона ва самарали жойлаштириш деганда 
маҳсулот ишлаб чиқариш харажатларини минимал ҳолатга келтириш ва 
ишлаб чиқаришнинг барча (тайёр маҳсулотгача бўлган) босқичларини 
муайян ҳудудга жойлаштириш тушунилади. Мамлакатимизнинг турли 
ҳудудлари табиий ресурслар захираларининг миқдори, компонентлар 
таркиби, геологик салоҳиятларига кўра ўзаро фарқ қилади. Бунда ишлаб 
чиқаришнинг хомашё, ёқилғи, энергия ва истеъмол манбаларига яқинлигини 
таъминлайдиган транспорт омили катта аҳамиятга эга.
Минтақалар ўртасида ҳудудий меҳнат тақсимоти бозор иқтисодиёти 
шароитида ишлаб чиқариш кучларини самарали жойлаштиришнинг муҳим 
шартларидан ҳисобланади. Минтақаларнинг иқтисодий ривожланиш 
даражаси, табиий-ресурс салоҳияти, тарихий ва демографик хусусиятларига 
кўра ўзаро фарқ қилади. Шунинг учун ҳар бир минтақа фақат ўзигагина хос 
бўлган хусусиятлар асосида муайян соҳага ихтисослашади ва иқтисодий 
алоқалар асосида бошқа минтақалар билан маҳсулот айирбошлайди.