A. A. Azlarova, M. M. Abduraxmanova bank marketingi va menejmenti

4.4.Tijorat banklari tashkiliy tuzilishiga ta’sir qiluvchi omillar 
 
Banklar faoliyatini tashkil etishning muhimligi va xarakteri bank oldida 
turgan aniq maqsad va vazifalardan kelib chiqadi. Bank jamg‘arma bank 
ko‘rinishida, ipoteka kreditlari instituti ko‘rinishida, trast banki, mayda kredit 
instituti ko‘rinishlarida tashkil etilishi mumkin va har bir holatda aniq imtiyozlar 
uning faoliyatidagi u yoki bu tashkiliy strukturaning shartlashuvi bo‘ladigan 
muhim omil bo‘ladi. Bank bo‘linmalarining tuzilishi uning ko‘rinishi yuzasidan 
o‘zgaradi deb aniq aytib bo‘lmaydi: bank bank bo‘lib qoladi va uning umumiy 
tuzilishi o‘zgarmas bo‘lib qoladi. 
Aksionerlik bankida (boshqa xususiy banklardan farkli ravishda) muhim 
rolni aksionerlar qiziqishlarini jamlaydigan Bank Kengashi egallaydi; ipoteka 
banklarida esa mol-mulkni baholash spesifikasi muhimrok rolga ega; investisiya 
banklarida esa loyihalarni moliyalashtirish bo‘limlari vujudga keladi; trast 
banklarida esa turli toifadagi mijozlarning mol-mulkini boshqarish bo‘limlari va 
hokazolar. 
Tashqi omillar quyidagilarni o‘z ichiga oladi: 
• ayrim bank xizmatlari kon’yunkturasidagi o‘zgarishlar, ishbilarmonlik 
faolligining susayishi va pul bozorlaridagi murakkabliklar; 
• yangi boshqaruv tuzilmalarini tashkil etish zaruriyatini keltirib chiqaruvchi 
innovatsiyalarning, yangi bank mahsulotlarining rivojlanishi, kadrlar bilan 

---

58 
ta’minlashni kuchaytirish; 
• bank mahsulotini samarasiz taklif etish va sotish oqibatida bank 
raqobatbardoshligining yo‘qolishi; 
• axborot ta’minoti va telekommunikatsiyalar sohasida bankni boshqarish 
jarayonida tub o‘zgarishlarni taqozo etuvchi texnologik o‘zgarishlar; 
• mijozlar farzlari, ularning bankdan ketishi, boshqa kredit institutlariga 
o‘tishi.