9-sinf sana: 7-dars. Algoritmni tasvirlash usullari

9-sinf sana:_____
7-DARS. ALGORITMNI TASVIRLASH USULLARI
Darsning texnologik xaritasi

Mavzu	Algoritmni tasvirlash usullari
Maqsad va vazifalar	Darsning maqsadi: o'quvchilarga algoritmni tasvirlash usullari haqida ma’lumot berish. Darsning ta'limiy vazifasi: o'quvchilarda algoritmni tasvirlash usullari (so’zlar orqali, formulalar yordamida, jadval ko’rinishida, grafik shaklda, blok-sxema shaklida tasvirlash) haqida bilim va ko’nikmalar berish. Darsning tarbiyaviy vazifasi: o’quvchilarda hayotdagi har qanday vaziyat uchun turli ko’rinishdagi rejalarni tahlil etish orqali to’g’ri yechim topish va sinfdoshlari bilan samimiy do’stona muloqot o’rnatishga yo’naltirish. Darsning rivojlantiruvchi vazifasi: o'quvchilarda fanlararo bog’lanishni tushungan holda o’quv fanlarini o’zlashtirishiga bo’lgan qiziqishlarini shakllantirish.
O'quv jarayonining mazmuni	Algoritmni tasvirlash usullari: so’zlar orqali, formulalar yordamida, jadval ko’rinishida, grafik shaklda, blok-sxema shaklida tasvirlash. Algoritmni tasvirlash usullarining har biri uchun turli o’quv fanlaridan misollar keltirish bilan fanlararo bog’lanishni amalgam oshirish.
O'quv jarayonini amalga oshirish texnologiyasi	Uslub: Ma’ruza va amaliyotning uyg’unligi. Shakl: Savol-javob. Jamoa va kichik guruhlarda ishlash. Vosita: Elektron resurslar, darslik, plakatlar, tarqatma materiallar. Usul: Tayyor prezentatsiya va slayd materiallari asosida. Nazorat: Og'zaki, savol-javob, muhokama, kuzatish. Baholash: Rag'batlantirish, 5 ballik reyting tizimi aso­sida.
Kutiladigan natijalar	O’quvchilar algoritmni tasvirlash usullari haqida tasavvurga ega bo’ladilar. Darslikda keltirilgan va o’qituvchi tomonidan berilgan topshiriqlar orqali informatika fanining boshqa o’quv fanlari bilan uzviy bog’langanligini bilib oladilar. Yakka holda va guruh bo’lib ishlashni o’rganadil. Yangi bilimlarni egallaydilar.
Kelgusi rejalar (tahlil, o'zgarishlar)	O'qituvchi o'z faoliyatining tahlili asosida yoki hamkasblarining dars tahlili asosida keyingi darslariga o'zgartirishlar kiritadi va rejalashtiradi.