9-sinf jahon tarixi fanidan

II.O’tgan mavzuni so’rash: Savollarga javob bering:
1. Xalqlarning buyuk ko’chishi qachon yuz berdi?
2. Xalaqlarning buyuk ko’chishi sabablarini ayting.
3. German qabilalari qanday tuzumda yashaganlar?
3. German qabilalarining asosiy mashg’ulotlari nima bo’lgan?
4. Germanlarda yerga ishlov berish kimning zimmasida bo’lgan?
5. Germanlar dehqonchiligi haqida nimalarni bilib oldingiz?
6. Germanlar nima uchun almashlab ekishni qo’llaganlar?
7. Germanlar qanday davlatlar tuzdilar?
III.Yangi mavzu bayoni:
"Frank" so’zi - jasur, erkin degan ma’nolarni anglatadi. Bu atama qator german qabilalariga nisbatan qo’llaniladigan umumiy nom edi. Franklar asosan Reyn daryosining o’rta va quyi oqim bo’ylarida yashaganlar. Franklar dengiz bo’yi (sali) va qirg’oq (ripuar) franklariga bo’linganlar. Franklarning G’arbiy Rim imperiyasi bilan munosabatlari bir xilda kechmagan. Ular bir-birlari bilan ba’zan dushman, ba’zan ittifoqchi bo’lganlar. Sali franklari ancha kuchli edi. Ular Xlodvig hukmronlik qilgan yillarda (481­-511) nihoyatda kuchaygan.
Xlodvig tez orada barcha frank qabilalari ustidan hukmronlik o’rnatgan va 486- yilda Shi­moliy Galliyani egallagan. Shu tariqa Franklar davlati (hozirgi Fransiya shu nomdan olingan) tashkil topgan. Qirol Xlodvig Franklar davlatida merovinglar sulolasi hukmronligiga asos solgan. Sulola nomi Xlodvigning ajdodi Merovey nomidan olingan. U sali franklariga yetakchilik qilganlardan biri edi. Qirol hokimiyati tobora kuchayib borgan. U davlat boshqaruvining barcha sohalarini o’z qo’liga olgan. Uning hokimiyati yirik yer egaligiga va harbiy kuchga asoslangan. Davlatni o’z mulki kabi boshqargan. Xlodvig mamlakatni viloyatlarga bo’lgan. Ularni qirol tayin­laydigan graflar boshqargan.
"Sali haqiqati". "Sali haqiqati" franklar qonunlari to’plami edi. To’plam franklarning asosan dehqonchilik va chorvachilik bilan shug ‘ullanganliklaridan dalolat beradi. Qonunga ko’ra yer ikki qismga: shaxsiy yerlar va jamoa yerlariga bo’lingan. Yaylov hamda o’rmonlardan esa hamma birgalikda foydalangan. Ayollarga yer berish yoki meros qoldirish taqiqlangan. Bunda ayollarning vaqti kelib urug’dan chetga chiqib ketishlari hisobga olingan. "Sali haqiqati" odamlar o’rtasida tabaqalanish ro’y berganligini tasdiqlaydi. Chunonchi, qirol jangchilarining xuni oddiy erkin frank xunidan uch marta ko’p bo’lgan. "Sali haqiqati"ga ko’ra o’ldirilgan urug’ a’zosi uchun o’ldirgan urug’ xun to’lagan.