9-sinf jahon tarixi fanidan

3-Darsning mavzusi: Britaniyadan – Angliyaga
Darsning maqsadi:
Ta’limiy: O’quvchilarga V-XI asrlarda Angliyaning ijtimoiy, siyosiy hayoti haqida ma’lumot berish
Tarbiyaviy: Ularda mustaqillik uchun kurashda xalqning ahilligi asosiy ahamiyat kasb etishi haqida taushunchalarni tarbiyalash
Rivojlantiruvchi: O’quvchilar qalbi va ongida milliy g’urur va iftixor tuyg’usini rivojlantirish
Dars turi: aralash
Dars uslubi: og`zaki,ko`rgazmali.
Dars usuli: aqliy hujum, tushuntirish, savol-javob.
Dars jihozi: darslik, dunyo xaritasi, rasmlsr, atama ,tushuncha , sanalar yozilgan kartochkalar, videoproyektor, slaydlar.
Darsning texnologik xaritasi:
I.Tashkiliy qism 3 daqiqa
II.O’tgan mavzuni so’rash 9 daqiqa
III.Yangi mavzu bayoni 18 daqiqa
IV.Yangi mavzuni mustahkamlash 10 daqiqa
V.Dars yakuni 3 daqiqa
VI.Uyga vazifa berish 2 daqiqa
Darsning borishi:
I.Tashkiliy qism. O’quvchilar bilan salomlashish, davomadni aniqlash, darsga jalb qilish, sinfda ishchi muhitini yaratish, dunyoda va O`zbekistonda yuz bergan muhim yangiliklardan qisqacha xabarlar berish.
II.O’tgan mavzuni so’rash:
1. Frank qabilalari qayerlarda yashaganlar?
2. Franklar davlatiga kim va qachon asos soldi?
3. Franklar nima uchun xristianlikni qabul qildilar?
4. Franklar davlatida asosiy ishchi kuchi kimlar edi?
5. Benefetsiy nima?
6. Tungin kim?
7. “Sali haqiqati” haqida nimalarni bilib oldingiz?
III.Yangi mavzu bayoni: Angliyaning birlashtirilishi. Bugungi kunda Buyuk Britaniya va Shimoliy Irlandiya Qo’shma qirolligi davlati Angliya deb ham ataladi. Bu davlatning V - XI asrlardagi tarixi qanday kechgan? V asrgacha Britaniya Rimga qaram edi. Rimliklar V asrda o’z qo’shinlarini olib chiqib ketgach, Britaniya mayda-mayda qirolliklarga bo’linib ketgan. V asrning o’rtalaridan boshlab esa Britaniyaga german qabilalari bo’lmish angllar, sakslar va yutlar bostirib kira boshlagan. Bu bosqinlar natijasida Britaniyada germanlarning o’ndan ortiq qirolliklari tashkil etilgan. Ular gegemonlik qilish uchun o’zaro shiddatli urushlar olib borishgan. VIII asr o’rtalariga kelib Uesseks qirolligi yetakchi qirollikka aylangan. Uning qiroli Ekbert (802 - 839) 829- yilda butun mamlakatni yagona davlatga birlashtirishga erishgan.